TMKOC / 'તારક મહેતા'ના ફેન્સને વધુ એક ઝટકો, આ લીડ એક્ટરે શોને કહ્યું બાય-બાય, રણવીર સિંહ સાથે મળ્યો મોટો પ્રોજેક્ટ

• ટીવીનો સુપર હિટ કોમેડી શો છે 'તારક મહેતા'
• શોમાંથી ઘણા ચહેરા બહાર થયા 
• અન્ય એક ફેમસ એક્ટરે શોને કહ્યું બાય બાય 

પ્રખ્યાત ટીવી શો 'તારક મહેતા કા ઉલ્ટા ચશ્મા' સતત TRP લિસ્ટમાં રહે છે. આ શો એટલો લોકપ્રિય છે કે તે તેના 14 વર્ષ પૂર્ણ કરવા જઈ રહ્યો છે. આ 14 વર્ષોમાં આ શોએ ઘણી વખત સફળતાની નવી વ્યાખ્યાઓ બનાવી છે. ત્યાં જ આ શોના ફેન્સને સતત ખરાબ સમાચાર સાંભળવા મળી રહ્યા છે. 

શોના દયાબેન એટલે કે દિશા વાકાણી છેલ્લા 5 વર્ષથી ગાયબ છે. જ્યારે તાજેતરમાં શોના સૂત્રધાર તારક મહેતાનું પાત્ર ભજવનાર શૈલેષ લોઢાએ શો છોડી દીધો છે. ત્યારે હવે ગોકુલધામ સોસાયટીના ટપ્પુ સેનાના નેતા ટપ્પુ એટલે કે રાજ અનાદકટ પણ આ શોમાંથી વિદાય લેવા જઈ રહ્યા છે.

 

 

 

 

View this post on Instagram

 

 

 

 

 

 

 

 

 

 

 

A post shared by Raj Anadkat (@raj_anadkat)

ટપ્પુએ પોતે આપી હિન્ટ
અત્યાર સુધી એવી ઘણી અટકળો બહાર આવી રહી હતી કે ટપ્પુ એટલે કે રાજ અનાદકટ આ શોને વિદાય આપવા જઈ રહ્યો છે. પરંતુ હવે તે લગભગ કન્ફર્મ થઈ ગયું છે. કારણ કે રાજે પોતે સોશિયલ મીડિયા પર આવી પોસ્ટ શેર કરી છે, જેના કારણે લોકોને વિશ્વાસ થઈ રહ્યો છે કે તે શો છોડી રહ્યો છે. રાજે સુપરસ્ટાર રણવીર સિંહ સાથેની બે તસવીરો ઈન્સ્ટાગ્રામ પર શેર કરી છે. જેના કારણે લોકોને લાગે છે કે તે હવે એક મોટા પ્રોજેક્ટમાં જોડાઈ ગયો છે અને હવે તે શોમાં જોવા નહીં મળે. જુઓ આ પોસ્ટ...

ટપ્પુ ઘણા સમયથી શોમાંથી ગાયબ 
તમને જણાવી દઈએ કે ટપ્પુનું પાત્ર ઘણા સમયથી શોમાં દેખાતું નથી. વાર્તા એવી રીતે બતાવવામાં આવી રહી છે કે ટપ્પુ અભ્યાસ માટે મુંબઈની બહાર ગયો છે. જેમ કે દયાબેનને અમદાવાદ મોકલી દેવામાં આવી છે. પરંતુ હવે એ વાત સાચી લાગી રહી છે કે રાજ અનાદકતે શોને અલવિદા કહી દીધું છે.