સારવાર / છત્તીસગઢના પૂર્વ સીએમ અજિત જોગીની હાલત નાજુક, આ એક વસ્તુ ખાવાથી બગડી હતી સ્થિતિ

• છત્તીસગઢના પૂર્વ સીએમ અજિત જોગીની સ્થિતિ નાજુક
• રાયપુરની એક ખાનગી હોસ્પિટલમાં લઈ રહ્યા છે સારવાર
• આવનારા 48 કલાક અજિત જોગી માટે મહત્વના

छत्तीसगढ़ के पूर्व मुख्यमंत्री अजीत जोगी कोमा में हैं, उनकी हालत गंभीर है। अगले 48 घंटों में पता चलेगा कि उनका शरीर दवाओं पर कैसे प्रतिक्रिया कर रहा है: श्री नारायण अस्पताल, रायपुर pic.twitter.com/Cf6arBifVO

— ANI_HindiNews (@AHindinews) May 10, 2020

શ્રી નારાયણ હોસ્પિટલ, રાયપુરે અજિત જોગીનું ત્રીજું મેડિકલ બુલેટિન જાહેર કર્યું છે.  મેડિકલ ડાયરેક્ટરે જણાવ્યું છે કે અજિત જોગીની ઉંમર 74 વર્ષ છે. તેમની સ્થિતિ ગંભીર બની છે. તેમની સારવારમાં ટીમ સતત કામ કરી રહી છે. હોસ્પિટલની અલગ સ્પેશ્યાલિટીના 8 ડોક્ટરની ટીમ દ્વારા તેમની સારવાર કરવામાં આવી રહી છે. હાલમાં તેમનું હ્રદય સામાન્ય છે. 

કોમામાં છે અજિત જોગી

હોસ્પિટલથી મળતી માહિતી અનુસાર અજિત જોગીનું બીપી દવાઓથી હાલમાં નિયંત્રણમાં છે. પણ ગઈકાલે રેસ્પિરેટરી એરેસ્ટ બાદ તેમના મગજમાં ઓક્સીજન પહોંચી શક્યો નથી. જેથી બ્રેનને નુકસાન થયું છે. મેડિકલની ભાષામાં કહીએ તો તેમની માનસિક સ્થિતિ સારી નથી. સાથે જ તેમને વેન્ટિલેટરની મદદથી શ્વાસ આપવામાં આવી રહ્યો છે. ઉલ્લેખનીય છે કે કાર્ડિયાક એરેસ્ટ બાદ તેમને ગંભીર સ્થિતિમાં હોસ્પિટલ લાવવામાં આવ્યા હતા. 

આ કારણે તબિયત વધારે બગડી

નારાયણ હોસ્પિટલના જણાવ્યા અનુસાર અજિત જોગીના મેડિકલ બુલેટિનના આધારે શનિવારે સવારે તે બંગલાના ગાર્ડનમાં ફરી રહ્યા હતા. તેઓએ આમલી મંગાવી. તેનો એક બીજ તેમના ગળામાં ફસાઈ ગયો હોવાથી તબિયત બગડી અને કાર્ડિયાક એરેસ્ટ આવ્યો. અજિત જોગીના દીકરા અમિત જોગીએ કહ્યું કે દવાથી વધારે દુઆઓની જરૂર છે. તેઓએ નાસ્તો કર્યો હતો. હવે તેમની સ્થિતિ ગંભીર છે. તેમને હાલમાં 48 કલાકના ઓર્બ્ઝવેશનમાં રાખવામાં આવ્યા છે.