આગાહી / ગુજરાતમાં હજુ રહેશે વરસાદી માહોલ, આજે આ જિલ્લાઓમાં વરસાદની આગાહી, જાણો શું કહ્યું હવામાન વિભાગે ? 

• આજે રાજ્યમાં સામાન્યથી મધ્યમ વરસાદની શક્યતા
• સૌરાષ્ટ્ર-કચ્છ, દીવ-દમણમાં પડી શકે છે વરસાદ
• સુરત, ડાંગ, નવસારી, વલસાડમાં વરસાદની શક્યતા
• અમદાવાદ, ગાંધીનગર, સાબરકાંઠા, બનાસકાંઠામાં પડી શકે છે વરસાદ

હવામાન વિભાગે આજે ફરી એકવાર વરસાદને લઈ મોટી આગાહી કરી છે. હવામાનની આગાહી મુજબ આજે રાજ્યના કેટલાક વિસ્તારોમાં મધ્યમ વરસાદની શક્યતા છે. જેમાં સૌરાષ્ટ્ર-કચ્છ, દીવ-દમણમાં વરસાદ પડી શકે છે,. મહત્વનું છે કે ગઈકાલે પણ ગુજરાતના કેટલાંક વિસ્તારોમાં ફરીવાર ધોધમાર વરસાદની હવામાન વિભાગે આગાહી કરી હતી.  હવામાનની આગાહી મુજબ, રાજ્યમાં આગામી 4 દિવસ સામાન્ય વરસાદ રહેશે. આ સાથે હવે આગાહી મુજબ તારીખ 22 ઓગસ્ટથી રાજ્યમાં ફરીથી વરસાદનું જોર વધશે.

રાજ્યમાં સામાન્યથી મધ્યમ વરસાદની શક્યતા

હવામાન વિભાગની આગાહી મુજબ રાજ્યમાં અજે મધ્યમ વરસાદનું આગમન થઈ શકે છે. આજે રાજ્યના સૌરાષ્ટ્ર-કચ્છ, દીવ-દમણમાં વરસાદ પડી શકે છે. આ સાથે  સુરત, ડાંગ, નવસારી, વલસાડમાં પણ વરસાદની સંભવના છે. તો અમદાવાદ, ગાંધીનગર, સાબરકાંઠા, બનાસકાંઠા, દાહોદ, વડોદરામાં પણ વરસાદ પડી શકે છે. 

ગુજરાત: આજે રાજ્યમાં સામાન્યથી મધ્યમ વરસાદની શક્યતા, સૌરાષ્ટ્ર-કચ્છ, દીવ-દમણમાં પડી શકે છે વરસાદ

સુરત, ડાંગ, નવસારી, વલસાડ, અમદાવાદ, ગાંધીનગર, સાબરકાંઠા, બનાસકાંઠા, દાહોદ, વડોદરામાં પડી શકે છે વરસાદ#monsoon #gujaratrains #vtvgujarati

— VTV Gujarati News and Beyond (@VtvGujarati) August 20, 2022

હવામાન વિભાગની આગાહી અનુસાર, રાજ્યમાં 22 ઓગસ્ટથી વરસાદની સિસ્ટમ સક્રિય થશે. ગઈકાલે રાજ્યના સૌરાષ્ટ્ર, કચ્છ, દમણ, દાદરા નગર હવેલીમાં વરસાદની આગાહી કરવામાં આવી હતી. જેમાં રાજ્યમાં મોરબી, સુરેન્દ્રનગર, જામનગર, દ્વારકા, પોરબંદર, રાજકોટ, જૂનાગઢ, અમરેલી, ગીર સોમનાથ, ભાવનગર અને બોટાદ જિલ્લામાં વરસાદની આગાહી કરાયા બાદ અનેક વિસ્તારોમાં વરસાદનું આગમન થયું હતું.