વરસાદ / અમદાવાદમાં વરસાદી તોફાન, કડાકા ભડાકા સાથે વરસાદે બોલાવી રમઝટ, જુઓ કયા કેટલો ખાબક્યો?

• અમદાવાદમાં બપોરે ભારે વરસાદ 
• અનેક વિસ્તારોમાં જળજમાવની સ્થિતિ 
• ભારે વરસાદ માટે હજુ બે દિવસની આગાહી 

ગુજરાતમાં ફરી એકવાર વરસાદે ધમાકેદાર  બેટિંગ શરુ કરી છે.ખાસ કરીને અમદાવાદમાં બે દિવસથી બફારાના વાતાવરણ વચ્ચે છૂટા-છવાયા ઝરમરિયા બાદ આજે સવારથી અંધારેલો  વરસાદ તૂટી પડ્યો હતો. અમદાવાદના પશ્ચિમ -પૂર્વ વિસ્તારમાં વિસ્તારમાં ગાજ-વીજ સાથે વરસાદ તૂટી પડતા જળજમાવની સ્થિતિ સર્જાઈ હતી. ઉલ્લેખનીય છે કે,હવામાન વિભાગે બે-ત્રણ દિવસ માટે ભારે વરસાદની આગાહી કરી છે.

મોટાભાગના વિસ્તારોમાં વરસાદ 

અમદાવાદના સેટેલાઈટ,બોડકદેવ, એસ.જી હાઈવે, ઘાટલોડીયા,બોપલ, નારણપૂરા,રાણીપ જેવા વિસ્તારોમાં વરસાદ તૂટી પડ્યો હતો. અચાનક ભારે વરસાદ આવતા નાગરિકોને ભારે બફારામાંથી મુક્તિ મળી હતી. તો યૂનિવર્સીટી,વાળીનાથ ચોક, GMDC જેવા વિસ્તારોમાં પાણી ભરાઈ ગયા હતા. પરિણામે વાહનચાલકોને પરેશાનીનો સામનો કરવો પડ્યો હતો. કેટલીય જગ્યાએ ટૂ-વ્હીલર્સમાં પાણી ભરાઈ ગયા હતા.

સરેરાશ કરતા વરસાદ ઓછો 

અમદાવાદમાં સિઝનના સરેરાશ વરસાદ કરતા,પ્રમાણમાં વરસાદ ઓછો પડ્યો છે. આમ પણ આ વખતે  વરસાદ પાછોતરો છે.ત્યારે,નવરાત્રીના દિવસો સુધી વરસાદ છૂટો-છવાયો પડત્તો રહે તેની શક્યતાઓ નકારી શકાય નહિ. છેલ્લા ચાર-પાંચ  વર્ષથી,નવરાત્રીના દિવસોમાં પણ એટલો વરસાદ પડે છે કે મેદાનોમાં પાણી ભરાઈ જાય છે.

કયા કેટલો અત્યાર સુધી ખાબક્યો? કયા કેટલી ઘટ?