આગાહી / પંજાબ, હરિયાણામાં વરસાદની આશંકા, દિલ્હીમાં પ્રદૂષણ 'ગંભીર' શ્રેણીમાં પહોંચ્યું

• હવામાન વિભાગે કરી આગાહી
• પંજાબ, હરિયાણામાં વરસાદની આશંકા
• દિલ્હીમાં પ્રદૂષણ 'ગંભીર' શ્રેણીમાં

પંજાબ, હરિયાણા, પશ્ચિમ ઉત્તર પ્રદેશ અને ઉત્તરી રાજસ્થાનમાં કેટલાક વિસ્તારોમાં સામાન્ય વરસાદ થઈ શકે છે. આ સાથે રાજધાની દિલ્હીમાં પણ પ્રદૂષણ 'ગંભીર' શ્રેણીમાં પહોંચી ચૂક્યું છે. દિલ્હીમાં AQI 265નો જોવા મળી રહ્યો છે જે ગંભીર શ્રેણીમાં ગણવામાં આવી રહ્યો છે.

સ્કાઈમેટની આગાહી

The intensity of #chennairain would increase from #NOVEMBER 27#weather #chennaiweather #TamilNadu #northeastmonsoon https://t.co/Lb9RNool5b

— SkymetWeather (@SkymetWeather) November 25, 2019

સ્કાઈમેટના અનુસાર આવનારા 24 કલાકમાં જમ્મૂ કાશ્મીરમાં કેટલાક વિસ્તારોમાં બરફ પડવાનું અનુમાન છે. અરુણાચલ પ્રદેશ, પૂર્વી અસમ અને દિલ્હીમાં કેટલીક જગ્યાઓએ સામાન્ય વરસાદ નોંધાઈ શકે છે. તમિલનાડુમાં વરસાદમાં ઘટાડો આવી શકે છે. જો કે તૂતીકોરિન, પંબન સહિત અનેક દક્ષિણ તટીય વિસ્તારોમાં મધ્યમ વરસાદનું અનુમાન છે. તમિલનાડુના અન્ય ભાગ અને લક્ષ્યદ્વીપમાં પણ સામાન્ય વરસાદ શક્ય છે. દેશના અન્ય ભાગોમાં વાતાવરણ ખુશનુમા રહેશે. 

આ જગ્યાઓએ ચક્રાવાતી તૂફાનની સંભાવના

ઉત્તરી પાકિસ્તાન અને તેની સાથેના અન્ય ક્ષેત્રો પર એક પશ્ચિમી વિક્ષોભ જોવા મળી રહ્યો છે. તેનાથી પ્રેરિત ચક્રાવાતી તૂફાન હરિયાણા અને સાથે જ અન્ય ક્ષેત્રો પર જોવા મળી શકે છે. એક અન્ય ચક્રાવાતી તૂફાન પૂર્વી બાંગ્લાદેશમાં ત્રાટકે તેવી પણ સંભાવના છે. છેલ્લા 24 કલાકમાં દક્ષિણ તટીય તમિલનાડુમાં અનેક જગ્યાઓએ ભારેથી સામાન્ય વરસાદ નોંધાયો છે.