ગુજરાતમાં સામાન્ય વરસાદની સ્થિતિ રહેશે તેમજ રાજ્યમાં 31 જુલાઈ પછી હવામાન વિભાગે ભારે વરસાદની શક્યતાઓ વ્યક્ત કરી
ગુજરાતમાં ઘટ્યું વરસાદનું જોર
31 જુલાઈ સુધી સામાન્ય વરસાદ રહેશે
31 જુલાઈથી 2 દિવસ ફરી ભારે વરસાદ થઈ શકે
રાજ્યમાના હવામાન વિભાગે આગાહી કરતા જણાવ્યું છે કે આજથી રાજ્યમાં સામાન્ય વરસાદની સ્થિતિ રહેશે તેમજ રાજ્યમાં 31 જુલાઈ પછી હવામાન વિભાગે ભારે વરસાદની શક્યતાઓ વ્યક્ત કરી છે. જો કે રાજ્યમાં દક્ષિણ ગુજરાત અને મધ્ય ગુજરાતમાં છુટો છવાયો વરસાદ પડી શકે છે. સાથે અમદાવાદ સહિતના મોટા શહેરોમાં હળવાથી મધ્યમ વરસાદ વરસી શકે છે.
31 જુલાઈથી 2 દિવસ પડી શકે છે ભારે વરસાદ
જો કે હજુ સુધી રાજ્યમાં મોસમનો 33 ટકા જ વરસાદ નોંધાયો છે જ્યારે સિઝનનો સૌથી વધુ વરસાદ વલસાડમાં 33.70 ટકા વરસાદ નોંધાયો છે. રાજ્યમાં ગયા વર્ષે 26 જુલાઈ સુધીમાં 13 ઈંચ સાથે સિઝનો સરેરાશ 36.66 ટકા વરસાદ નોંધાયો હતો. જો કે ગયા વર્ષની તુલનાએ આ વર્ષે વરસાદનું પ્રમાણ સામાન્ય જણાઈ રહ્યું છે.
મધ્ય ગુજરાતમાં વરસાદી ઝાપટાની શકયતા
રાજ્યમાં અત્યાર સુધી દક્ષિમ ગુજરાતમાં 20.23 ઈંચ સાથે સિઝનનો સૌથી વધુ 35.19 ટકા, કચ્છમાં 5.27 ઈંચ સાથે 30.25 ટકા, ઉત્તર ગુજરાતમાં 7.95 ઈંચ સાથે મોસમનો 28.16 ટકા, પૂર્વ-મધ્ય ગુજરાતમાં 30.56 ઈંચ સાથે સિઝનનો 30.08 ટકા, સૌરાષ્ટ્રમાં 8.77 ઈંચ સાથે સિઝનનો 31.89 ટકા વરસાદ નોંધાયો છે.
સિઝનો સરેરાશ 36.66 ટકા વરસાદ
રાજ્યના 25 તાલુકામાં 20થી 40 ઈંચ, 88 તાલુકામાં 10થી 20 ઈંચ, 96 તાલુકામાં 5 થી 10 ઈંચ અને 39 તાલુકામાં 2 થી 5 ઈંચ વરસાદ નોંધાયો છે. અમદાવાદ જિલ્લામાં અત્યાર સુધીમાં 7.36 ઈંચ સાથે સિઝનનો 28.08 ટકા વરસાદ પડ્યો છે.
આજથી દક્ષિણ ગુજરાતમાં સામાન્ય વરસાદ પડી શકે
શહેરમાં ગયા વર્ષમાં આ મહિનાની સરખામણીએ 10.27 ઈંચ સાથે સિઝનનો 37.27 ટકા વરસાદ નોંધાઈ ચુક્યો હતો. ત્યારે હવામાન વિભાગે ગીર સોમનાથ, જામનગર, પોરબંદર, ભાવનગર સહિતના પંથકમાં વરસાદની આગાહી કરાઈ છે. 29 જુલાઈએ રાજ્યમાં કેટલાક વિસ્તારોમાં વરસાદની પણ સંભવનાઓ વ્યક્ત કરવામાં આવી છે.