વડોદરામાં વરસાદે લીધો વિરામ વિશ્વમિત્રી નદીની જળ સપાટી થઇ 4 ફૂટ

વડોદરામાં વરસાદે ધમાકેદાર બેટિંગ કરી અને હાલ વરસાદે વિરામ લીધો છે. જે રીતે વરસાદી માહોલ વડોદરામાં જોવા મળ્યો હતો અલગ અલગ વિસ્તારો એનાથી પ્રભાવિત થયા હતા. નીચાણ વાળા વિસ્તારોમાં ઘૂંટણ સમા પાણી ભરાઇ ગયા હતા. થોડો સમય માટે વાહન વ્યવહાર પણ ખોરવાઇ ગયો હતો તેવી પરિસ્થિતિ જોવા મળી હતી.

ધોધમાર વરસાદના પગલે વિશ્વામિત્રીની નદીની જળસપાટીમાં વધારો થયો છે. વિશ્વામિત્રીની નદીની જળસપાટી 4 ફુટે પહોંચી છે. જયારે આજવા સરોવરની જળસપાટી 209.20 ફૂટ છે. મહત્વપૂર્ણ છે કે વડોદરામાં 24 કલાકમાં સૌથી વધુ વરસાદ સાવલીમાં પડયો છે. જયાં 2.5 વરસાદ વરસ્યો છે.ડેસર અને વાઘોડિયામાં 1-1 ઈંચ વરસાદ ખાબકયો છે. જોકે હાલ વરસાદે વિરામ લીધો છે.