ગુજરાતમાં એક તરફો કોરોના બેકાબુ જોવા મળી રહ્યો છે ત્યારે રાજ્યમાં બીજી તરફ લગ્નની સિઝન અને આ તમામ બાબતો વચ્ચે રાજ્યમાં ફરીવાર વરસાદની આગાહી કરવામાં આવી છે ત્યારે ગતસાંજથી આજ સવાર સુધીમાં રાજ્યના કેટલાક વિસ્તારોમાં વરસાદ પડ્યો હોવાના અહેવાલ પ્રાપ્ત થયાં છે.
હવામાન વિભાગે ગુજરાતમાં કરી વરસાદની આગાહી
રાજ્યના કેટલાક વિસ્તારોમાં મેઘો વરસ્યો
ખેડૂતોની ચિંતામાં વધારો
ઉલ્લેખનીય છે કે, શિયાળામાં કમોસમી વરસાદ પડતા ખેડૂતોની ચિંતા વધી છે. તો રવિપાકને નુકસાન થવાનો ભય પણ જગતના તાતમાં ફેલાયો છે.
સુરતના કેટલાક વિસ્તારોમાં મોડી રાતે વરસાદ
સુરતમાં મોડી રાત્રે વરસાદ પડ્યો હોવાના અહેવાલો પ્રાપ્ત થયાં છે. ઉલ્લેખનીય છે કે, વેસ્ટર્ન ડિસ્ટર્બન્સના કારણે વાતાવરણમાં પલટો જોવા મળ્યો હતો. આપને જણાવી દઇએ કે, રાજ્યના હવામાન વિભાગે આગામી બે દિવસ સુધી સૌરાષ્ટ્ર, દક્ષિણ ગુજરાતમાં વરસાદની આગાહી કરી છે.
નવસારીના વાતાવરણમાં પલટો
નવસારી જિલ્લામાં વરસાદની આગાહીને પગલે વાતાવરણમાં પલટો જોવા મળ્યો હતો. જો કે, વાંસદા તાલુકાના બારતાડ અને ઉનાઈ ગામમાં સામાન્ય વરસાદ વરસતા સ્થાનિકોમાં કૌતુક જોવા મળ્યું હતું, ઉલ્લેખનીય છે કે, વહેલી સવારે કમોસમી વરસાદ પડ્યો હતો. આ કમોસમી વરસાદને પગલે ખેડૂતોની ચિંતા વધી હતી.
અમરેલીના વાતાવરણમાં પલટો
અમરેલી જિલ્લામાં વરસાદની આગાહી કરવામાં આવી છે ત્યારે ગત મોડી રાતે જાફરાબાદ કોસ્ટલ વિસ્તારમાં વાતાવરણમાં પલટો જોવા મળ્યો હતો અને વરસાદી છાંટા પણ કેટલાક સ્થળે પડ્યા હતા. આ રીતે શિયાળાની મોસમમાં વરસાદ પડતા ખેડૂતોની ચિંતામાં વધારો થયો છે.
આગામી 48 કલાકમાં સામાન્યથી મધ્યમ વરસાદની આગાહી
હવામાન વિભાગની આગાહી મુજબ રાજ્યમાં આગામી 48 કલાકમાં સામાન્યથી મધ્યમ વરસાદ વરસે તેવી શક્યતા છે. રાજ્યના સૌરાષ્ટ્ર અને દક્ષિણ ગુજરાતના કેટલાક સ્થળો પર હવામાનમાં પલટો જોવા મળી શકે છે.
લગનની મોસમમાં વરસાદે ચિંતા વધારી
રાજ્યમાં એક તરફ કોરોના વાયરસની મહામારીનો કહેર જોવા મળી રહ્યો છે ત્યારે બીજી તરફ લગ્નપ્રસંગની સિઝન ચાલી રહી છે. જો કે આ બધા વચ્ચે હવામાન વિભાગ દ્વારા રાજ્યમાં કમોસમી વરસાદની આગાહી કરવામાં આવી છે.
વેસ્ટર્ન ડિસ્ટર્બન્સના કારણે મોસમ બદલાઇ
રાજ્યમાં ખેડૂતો માટે ચિંતાજનક સમાચાર સામે આવ્યાં છે. ભર શિયાળામાં હવામાન વિભાગ દ્વારા વેસ્ટર્ન ડિસ્ટર્બન્સના કારણે સૌરાષ્ટ્ર અને દક્ષિણ ગુજરાતના વાતાવરણમાં પલટો જોવા મળી શકે છે. જેને લઇને રાજ્યમાં આગામી 10 અને 11 ડિસેમ્બરના રોજ વરસાદની આગાહી કરવામાં આવી છે.
સૌરાષ્ટ્ર અને દક્ષિણ ગુજરાતના વાતાવરણમાં પલટાની સંભાવના
હવામાન વિભાગ દ્વારા સૌરાષ્ટ્ર અને દક્ષિણ ગુજરાતના વાતાવરણમાં પલટો જોવા મળે તેવી શક્યતાને લઇને આગાહી કરી છે. સૌરાષ્ટ્રની વાત કરીએ તો સોમનાથ, સુરત, ભાવનગરમાં વરસાદ પડે તેવી સંભાવના છે, જ્યારે દક્ષિણ ગુજરાતના દાહોદ, પંચમહાલ, વડોદરા, આણંદ જિલ્લામં સામાન્ય વરસાદની વકી છે.