સુરતમાં ધોધમાર વરસાદઃ 4થી 5 ફૂટ ઘરોમાં પાણી ઘૂસ્યા ખાડીઓ થઇ ઓવરફ્લો

સુરત: જિલ્લામાં છેલ્લા કેટલાક દિવસથી વરસાદ મન મૂકીને વરસી રહ્યો છે. ભારે વરસાદના કારણે શહેરની તમામ ખાડીઓ ઓવરફ્લો થઈ છે. લિંબાયત અને પરવત ગામ વિસ્તારમાં આવેલી મીઠી ખાડીમાં પૂર આવ્યું છે. ખાડીમાં પુર આવતા આસપાસના વિસ્તારોમાં આવેલા ઘરોમાં પાણી ઘૂસ્યા છે.

આ તરફ શહેરના ઓલપાડ માંગરોળ માંડવી કામરેજ અને બારોડલી તાલુકા સહિતના વિસ્તારોમાં ધોધમાર વરસાદ વરસ્યો છે. ભાર વરસાદના કારણે નદી નાળામાં પાણીની આવકમાં વધારો થયો છે.
 

સુરતમાં વહેલી સવારે કાચુ મકાન થયું ધરાશાયી
સુરતમાં વહેલી સવારે એક મકાન ધરાશાયી થયું છે. માંગરોળના ગીઝરમ ગામે ભારે વરસાદના પગલે આ મકાન ધરાશાયી થયું છે. તો મકાન ધરાશાયી થતા મકાનના કાટમાળમાં પતિ પત્ની અને પુત્રી દટાયા હતા. જેના પગલે સ્થાનિકોએ બચાવ કામગીરી હાથ ધરીને ત્રણેયને આબાદ બચાવી લીધા છે. જો કે કાટમાળ નીચે ત્રણેય દાટાતા તેઓને નાની મોટી ઈજા થતાં સારવાર માટે હોસ્પિટલ ખસેડાયા છે.