હવામાન વિભાગની આગાહી પ્રમાણે આજે ગુજરાતમાં ભારે વરસાદ પડી રહ્યો છે. જેમા સૌથી ખરાબ હાલત ભરૂચમાં જોવા મળી છે. અહીયા રસ્તાઓ પર વાહનો તરતા જોવા મળ્યા સાથેજ 100 લોકોનું રેસક્યું પણ કરવામાં આવ્યું છે.
ગુજરાતના મોટા ભાગના જિલ્લાઓમાં વરસાદ
ભરૂચમાં પરિસ્થિતી સૌથી ખરાબ
મોટા ભાગના ડેમ ઓવરફ્લો થયા
હવામાન વિભાગની આગાહી પ્રમાણે ગુજરાના મોટા ભાગના જિલ્લાઓમાં ભારે વરસાદ પડી રહ્યો છે. જોકે સૌથી વધારે વરસાદ આજે ભરૂચમાં જોવા મળ્યો છે. ભારે વરસાદને કારણે અહીયા નીચાણવાળા વરસાદોમાં પાણી ભરાઈ ગયા છે. ઈન્દિરાનગરની બસ્તીમાં 100થી વધું ઝુંપડા પાણીમાં ગરકાવ થઈ ગયા છે. જેના કારણે અનેક લોકોનું રેસ્ક્યું કકરીને તેમને બહાર કાઢવા પડ્યા હતા.
વાહનો તણાતા જોવા મળ્યા
આ સિવાય ભરૂચના ગાંધી બજાર ચોક વિસ્તારમાં પણ ભારે વરસાદ પડ્યો છે. ફુરજા ચાર રસ્તા, ફાંટા તળાવ માર્ગની દુકાનોમાં પાણી ભરાઈ ગયા છે. સવારથી ધમધમતું બદાર આજે અહીયા બંધ જોવા મળ્યું. તે સિવાય ફાંટા તળાવ માર્ગ પર અનેક વાહનો પણ તણાતા જોવા મળ્યા હતા.
અંબિકા નદીની જળસપાટી વધી
ડાંગ જિલ્લામાં ભારે વરસાદના કારણે અંબિકા નદીની જળસપાટીમાં વધારો થયો છે. અંબિકા નદીની જળસપાટી ભયજનક સપાટી નજીક પહોંચી ગઇ છે. જેને લઇને નીચાણવાળા વિસ્તારમાં લોકોને અલર્ટ કરી દેવામાં આવ્યા છે. ગણદેવી તાલુકાના ધમડાછા પૂલ પર પાણી આવી જવાની સંભાવનાને કારણે પોલીસ બંદોબસ્ત ગોઠવી દેવામાં આવ્યો છે. તો ડાંગ જિલ્લામાં અવિરત વરસાદથી દેવધા ડેમના દરવાજા પણ ખોલી દેવામાં આવ્યા છે.
અમરેલીમાં સાર્વત્રિક વરસાદ
આ સિવાય અમરેલી જિલ્લામાં પણ સાર્વત્રિક વરસાદ જોવા મળ્યો છે. જેમા અમરેલીમાં સવા ઈંચ, ખાંભા પોણા 2 ઈંચ વરસાદ નોંધાયો છે. સાથેજ જાફરાબાદમાં સવા ઈંચ, ધારીમાં પોણા 2 ઈંચ વરસાદ નોંધાયો છે. રાજુલાની વાત કરીઓ તો અહીયા 2 ઈંચ, અને લાઠીમાં 1 ઈંચ વરસાદ નોંધાયો છે. સાથેજ લીલીયામાં પોણો ઈંચ, વડિયામાં 3 ઈંચ વરસાદ પડ્યો છે. આ સીવાય સાવરકુંડલામાં પણ 2 ઈંચ વરસાદ પડ્યો છે.
સુરતમાં સાર્વત્રિક વરસાદ
બીજી તરફ સુરત જિલ્લામાં સાર્વત્રિક વરસાદ નોંધાયો છે. જેમા ઉમરપાડામાં 8.72 ઇંચ, બારડોલીમાં 2.72 ઇંચ વરસાદ પડ્યો છે. સાથેજ કામરેજમાં 3.56 ઇંચ,ચોર્યાસીમાં 4 ઇંચ વરસાદ પડ્યો અને પલસાણામાં 8 ઇંચ,મહુવામાં 2.73 ઇંચ નોંધાયો છે, ઉપરાંત માંડવીમાં પણ 2.40 ઇંચ,માંગરોળ 2 ઇંચ વરસાદ નોંધાયો છે.
શેત્રુંજી ડેમ ઓવરફ્લો
ભારે વરસાદને કારણે ભાવનગરનો શેત્રુંજી ડેમ ફરી ઓવરફ્લો થયો છે. ડેમમાં પાણીની સતત આવક જોવા મળી રહી છે. જેના કારણે 20 દરવાજા 2 ફુટ સુધી ખોલવામાં આવ્યા, આપને જણાવી દઈએ કે શેત્રંજી ડેમમાં હાલ 8 હજાર ક્યુસેક પાણીની આવક થઈ છે.
અમરેલીનો સુરવોડેમ પણ ઓવરફ્લો
ઉલ્લેખનીય છે કે અમરેલીના સુરવોડેમમાં પાણીની આવક, ભારે વરસાદને કારણે વડિયા સુરવોનદી પરના સુરવોડેમમાં પાણીની આવક જોવા મળી છે. જેમા સુરવો ડેમ ભરાયો 90% ભરાયો છે. જેના કારણે તેનવી આસપાસના નિચાણ વાળા વિસ્તારોને એલર્ટ કરી દેવામાં આવ્યા છે.