મેઘમહેર / ગુજરાતમાં સૌરાષ્ટ્ર સહિત સાર્વત્રિક વરસાદ, જાણો કયા કયા જિલ્લામાં આજે મેઘરાજએ કરી મહેર

• સૌરાષ્ટ્રના અનેક પંથકમાં વરસાદનું આગમન
• રાજકોટ, અમરેલી સહિતના જિલ્લામાં મેઘ મહેર
• હવામાન વિભાગની આગાહી મુજબ 20 જૂન પછી ચોમાસું

હવામાન વિભાગ દ્વારા ગુજરાતમાં ચોમાસું મોડું બેસવાની આગાહી છે. હવામાન વિભાગની આગાહી મુજબ 20 જૂન પછી ચોમાસાની શરૂઆત થશે. પરંતુ છેલ્લા ત્રણ દિવસથી સૌરાષ્ટ્ર સહિત મધ્યગુજરાત અને દક્ષિણ ગુજરાતમાં વરસાદ શરૂ છે. જેમાં અમદાવાદ, રાજકોટ, અમરેલી, બોટાદ, જૂનાગઢમાં આજે વરસાદ જોવા મળ્યો હતો. રાજકોટમાં ભારે બફારા બાદ વરસાદનું આગમન થયું છે. ગોંડલ રોડ, યાજ્ઞિક રોડ સહીત વિસ્તારમાં વરસાદ થયો હતો. 

પંચમહાલના ગોધરામાં પણ ભારે ઉકળાટ બાદ વરસાદ વરસ્યો હતો. જિલ્લાના અનેક પંથકમાં વરસાદના આગમન સાથે ઠંડક પ્રસરી હતી. તો સાથે જિલ્લાના કેટલાક વિસ્તારમાં વાદળછાયુ વાતાવરણ પણ જોવા મળ્યું હતું. 

સૌરાષ્ટ્રના અનેક પંથકની સાથે દક્ષિણ ગુજરાતમાં પણ વરસાદ વરસ્યો છે. ત્યારે અરવલ્લી જિલ્લામાં પણ વાતાવરણમાં પલટો જોવા મળ્યો હતો. અને મેઘરજ અને મોડાસામાં ભારે પવન સાથે વરસાદ વરસ્યો હતો. અસહ્ય બફારા બાદ વરસાદ શરૂ થયો હતો. જિલ્લાના અનેક વિસ્તારોમાં વાદળછાયું વાતાવરણ જોવા મળ્યું હતું. 

ગિરીમથક સાપુતારામાં સતત છઠ્ઠા દિવસે વરસાદી માહોલ જોવા મળ્યો હતો. સાપુતારા સહિત ડાંગ જિલ્લામાં પવન સાથે વરસાદ વરસ્યો હતો. સાપુતારા પહોંચેલા પ્રવાસીઓએ વરસાદની મજા માણી હતી. સતત છઠ્ઠા દિવસે બપોર બાદ અચાનક વરસાદી માહોલથી વાતાવરણમાં ખૂશમિજાજ જોવા મળ્યો.

અંબાલાલ પટેલની આગાહી

અંબાલાલ પટેલે કહ્યું કે 28-29 જૂનથી ગુજરાતમાં ચોમાસાની શરૂઆત થેશે. 9થી 11 જૂન સુધી ગુજરાતમાં છૂટોછવાયો વરસાદ પડશે. પૂર્વ પટ્ટી, ઉત્તર ગુજરત, સૌરાષ્ટ્રમાં પ્રિ મોનસુન એક્ટિવિટી શરૂ થઇ ગઇ છે.

આગામી 11 અને 12 જૂને ગાજવીજ સાથે વરસાદની વકી 

અંબાલાલ પટેલે VTV સાથે વાતચીત કરતા જણાવ્ચું હતું કે, આગામી 11 અને 12 જૂને કેટલીક જગ્યાએ ગાજવીજ સાથે વરસાદ પડશે. 15થી 19 જૂને પણ ગુજરાતમાં કેટલીક જગ્યાએ હળવો વરસાદ થશે. જ્યારે મધ્ય અને પૂર્વ ગુજરાતમાં હળવા વરસાદની સંભાવના છે. સત્તાવાર ચોમાસુ બેચવાના હજુ 20 દિવસની વાર છે.