કચ્છમાં મેઘરાજાએ કરી મહેર દેશલપરમાં 5 ઇંચ વરસાદ ખાબક્યો

ભૂજ: ઘણી રાહ જોવડાવ્યા બાદ કચ્છમાં મેઘરાજાએ પધરામણી કરી છે. મંગળવારે સાંજ પછી સમગ્ર કચ્છમાં સાર્વત્રિક વરસાદ પડ્યો છે. છેલ્લા બે દિવસ થી ગરમી અને ઉકળાટભર્યા વાતાવરણ વચ્ચે વરસાદ પડતાં જઙ્ગ લોકો ને ટાઢક નો અનુભવ થયો છે. તો ધરતીપુત્રો માં અને પશુપાલકોમાં ખુશીનો માહોલ છવાયો છે.

મળતી માહિતી અનુસાર સૌથી વધુ વરસાદ માંડવીમાં સવા ત્રણ ઇંચ પૂર્વ કચ્છના વાગડના રાપર ભચાઉમાં પોણો થી એક ઇંચ ગાંધીધામમાં સવા ઇંચ ભુજ દોઢ ઇંચ ભુજની પટેલ ચોવીસીમાં પણ સારો વરસાદ પડ્યો હતો ખાસ કરીને ભુજના દેશલપર ગામે ધોધમાર પાંચ ઇંચ જેટલો ધોધમાર વરસાદ ખાબકયો હતો. અંજાર નખત્રાણા દયાપર નારાયણસરોવરમાં પોણો ઇંચ નિરોણા સફેદરણ ખાવડા પંથકમાં એક ઇંચ લખપતમાં અડધો ઇંચ જેટલો વરસાદ નોંધાયો છે. માંડવી શહેરમાં ધમાકેદાર વરસાદને પગલે ઠેર ઠેર પાણી ભરાયા હતા. 

જો કે માત્ર દોઢ ઇંચ વરસાદ દરમ્યાન ભુજના અનેક નીચાણ વાળા વિસ્તારમા પાણી ભરાયા હતા. લાંબા સમયથી વરસાદની રાહ જોતા કચ્છી માડુઓ માટે સારા સમાચાર એ છે કે વરસાદી માહોલ છે અને હજીયે બે થી ત્રણ દિવસ કચ્છમા હળવા થી ભારે વરસાદની આગાહી હવામાન વિભાગે કરી છે.