રાજ્યમાં છેલ્લા 24 કલાકમાં 21 જિલ્લાઓના 86 તાલુકામાં નોંધાયો વરસાદ

સુરતઃ રાજ્યમાં છેલ્લાં 24 કલાકમાં પ્રમાણસર વરસાદ પડ્યો. 21 જિલ્લાના 86 તાલુકામાં પ્રમાણસર વરસાદ નોંધાયો. તો તાપીના સોનગઢમાં સૌથી વધુ નવ ઈંચ વરસાદ નોંધાયો છે. જ્યારે નર્મદાના સાગબારામાં 6 ઈંચ કપરાડા વાંસદા વ્યારા અને ડોલવણમાં 3-3 ઈંચ વરસાદ નોંધાયો છે.  

દક્ષિણ ગુજરાતમાં ભારે વરસાદથી નદીઓમાં પુર
દક્ષિણ ગુજરાતમાં મેઘરાજાએ જોરદાર બેટિંગ કરી છે. મેઘસવારીએ રમઝટ બોલાવતા નદી નાળા છલકાયા ગયા હતા. રસ્તાઓ પર નદીઓ વહેવા લાગી હતી. આ તરફ તાપી જિલ્લામાં ધોધમાર વરસાદ વરસ્યો હતો. વરસાદ મનમુકીને વરસતા નદીના પાણી શહેરમાં ઘુસ્યા ગયા હતા.

ડાંગમાં ધોધમાર વરસાદને પગલે કોઝવે પર પાણી ફરી વળ્યુ
ડાંગ જિલ્લામાં વરસાદની ભારે બેટિંગ જોવા મળી. ડાંગ જિલ્લામાં ધોધમાર વરસાદ વરસ્યો. ડાંગના વઘઈમાં સૌથી વધુ 6.72 ઈંચ વરસાદ વરસ્યો છે. તો આહવા અને સાપુતારામાં 1.6 ઈંચ વરસાદ નોંધાયો. આહવા વઘઈ સાપુતારા સહિતના વિસ્તારોમાં વરસાદના પગલે સાપુતારા આવતા પ્રવાસીઓમાં પણ ખુશીનો માહોલ જોવા મળ્યો.

તો ડાંગમાં ધોધમાર વરસાદના પગલે કોઝવે પર પાણી ફરી વળ્યું. નીંચાણવાળા વિસ્તારમાં આવેલા 16 જેટલાં કોઝવે પાણીમાં ગરકાવ થયા છે. બીજી તરફ અનેક ગામડાં સંપર્ક વિહોણા બન્યા છે. તો સોનગઢમાં પણ ભારે વરસાદના પગલે અનેક નીચાણવાળા વિસ્તારોમાં પાણી ભરાયા હતા. ગ્રામ્ય વિસ્તારોની નદીઓમાં પૂરની સ્થિતિ સામે આવી હતી.

તાપી જિલ્લામાં રાત્રિ દરમિયાન ધોધમાર વરસાદ  
તાપી જિલ્લામાં રાત્રિ દરમિયાન ધોધમાર વરસાદ વરસ્યો. સોનગઠ તથા આસપસાના વિસ્તારોમાં વરસાદ મન મૂકને વરસ્યો હતો. જેના પગલે સોનગઢમાંથી પસાર થતી નદીના પાણી શહેરમાં ઘૂસ્યા હતા. તો શહેરના અનેક નીંચાણવાળા વિસ્તારોમાં પાણી ભરાયા હતા. ગ્રામ્ય વિસ્તારોની નદીઓમાં પણ પૂરની સ્થિતિ સામે આવી હતી.