વાતાવરણ / ગુજરાતના 77 તાલુકામાં વરસાદી ઝાપટા, હવે હવામાન વિભાગે આપ્યા રાહતના સમાચાર

• કમોસમી વરસાદની આગાહી
• રાજ્યમાં અસર વર્તાઇ
• રાજ્યના 77 તાલુકામાં વરસાદ

ગુજરાતમાં કમોસમી વરસાદે મોસમ બગાડી છે. હવામાન વિભાગની આગાહી પ્રમાણે રાજ્યના ઘણા વિસ્તારોમાં આજે પણ વરસાદી ઝાપટાં જોવા મળ્યા છે. આજે અત્યાર સુધીમાં રાજ્યના 77 તાલુકામાં માવઠું થયું છે. એક બાદ એક આફતનો માર ઝેલતો ખેડૂત કમોસમી વરસાદ થતા મુઝવાયો છે.

કયા કયા તાલુકામાં થયો વરસાદ

છેલ્લા ત્રણ દિવસથી વાતાવરણમાં પલટો આવ્યો છે. સતત 3 દિવસથી જિલ્લામાં વાદળછાયા વાતાવરણ વચ્ચે કમોસમી વરસાદ થઇ રહ્યો છે. આથી સુરત, વલસાડ, નર્મદા, સાબરકાંઠામાં કમોસમી વરસાદે મોસમ બગાડી છે. સુરત અને દક્ષિણ ગુજરાતમાં માવઠાથી નુકસાન થયું છે. ખેડૂતો અને ઈંટના ભઠ્ઠાના માલિકોને પણ નુકસાન છે. મોટા પ્રમાણમા કાચી ઈંટ વરસાદમાં ધોવાઇ ગઇ છે અને અંદાજીત 12 લાખનું નુકસાન થયું છે. તો આ તરફ વલસાડ, પારડી, વાપી અને ધરમપુર સહિતના તાલુકાઓમાં સરેરાશ સાડા ત્રણ ઇંચ વરસાદ થયો છે. ખેડૂતોને ભારે નુકસાન થયું છે. શાકભાજી અને કેરીના ફ્લાવરિંગને અસર થઈ છે. તો નર્મદા જિલ્લામાં પણ ખેડૂતોને નુકસાની વેઠવી પડી છે. કમોસમી વરસાદને લઇને કેનાલમાં સિંચાઈનુ પાણી છોડાતા કેનાલ ઉભરાઈ હતી. અને પાણી આસપાસના ખેતરોમાં ઘુસી ગયા હતાં.

હવામાન વિભાગની આગાહી
ગુજરાતમાં આગમી બે દિવસ કમોસમી વરસાદ રહેશે. આજે ઉત્તર અને દક્ષિણ ગુજરાત અને સૌરાષ્ટ્રમાં ભારે વરસાદની આગાહી કરવામાં આવી છે. અમદાવાદમાં આજે સામાન્ય વરસાદ વરસી શકે છે. 4 ડિસેમ્બરથી ગુજરાતમાં ઠંડીનું પ્રમાણ વધી શકે છે. વરસાદી સિસ્ટમની અસર મોડી સાંજથી ઘટશે.. હવામાન વિભાગના મતે નલિયામાં રાજ્યનું સૌથી ઠંડુ શહેર બન્યું છે.. નલિયામાં 15.2 ડિગ્રી તાપમાન નોંધાયું છે.. તો અમદાવાદમાં લઘુત્તમ તાપમાન 16.9 ડિગ્રી, વડોદરામાં 15.8 ડિગ્રી, દમણમાં 16 ડિગ્રી, સુરતમાં 16.6 ડિગ્રી, દમણમાં 16 ડિગ્રી તાપમાન નોંધાયું છે.

અંબાલાલ પટેલની આગાહી
હવામાન નિષ્ણાત અંબાલાલ પટેલે ગુજરાતના હવામાન અંગે મોટી આગાહી કરી છે.. અંબાલાલ પટેલના મતે રાજ્યમાં હજુ કમોસમી વરસાદ ગયો નથી. ડિસેમ્બરના અંત સુધીમાં કમોસમી વરસાદનું સંકટ રહેશે.. શિયાળા વચ્ચે ચોમાસાનો માહોલ યથાવત છે. 19થી 21 ડિસેમ્બર દરમિયાન વરસાદ પડી શકે છે.. અને 28થી 30 ડિસેમ્બર દરમિયાન વરસાદ પડી શકે છે. પશ્ચિમ વિક્ષેપના કારણે રાજ્યમાં કમોસમી વરસાદ પડી શકે છે.. અંબાલાલ પટેલના જણાવ્યા મુજબ 4 ડિસેમ્બરથી રાજ્યમાં કાતિલ ઠંડીનો અહેસાસ થશે.. સાથે જ ઓડિશા અને મહારાષ્ટ્રમાં વાવાઝોડાનો ખતરો રહેશે.