24 કલાકમાં 31 જિલ્લાના 199 તાલુકામાં વરસાદ રાજ્યમાં 36 ટકા: મહેસુલ મંત્રી

ગાંધીનગરઃ દક્ષિણ ગુજરાત અને સૌરાષ્ટ્રના કેટલાક વિસ્તારોમાં ભારે વરસાદ વરસ્યો છે. ત્યારે મહેસુલ મંત્રી કૌશીક પટેલે જણાવ્યું કે રાજ્યમાં અત્યાર સુધીમાં 35.71 ટકા વરસાદ વરસી ચૂક્યો છે. છેલ્લા 24 કલાકમાં 31 જિલ્લાના 199 તાલુકામાં વરસાદ થયો છે. રાજ્યમાં અત્યાર સુધી 203 ડેમમાં નવા નીરની આવક થઈ છે. જ્યારે 193 ડેમ 70 ટકા સુધી ભરાઈ ગયા છે.

સાથે જ કૌશીક પટેલે જણાવ્યું કે વરસાદના કારણે નેશનલ હાઈવે અને સ્ટેટ હાઈવેમાં કોઈ નુકશાન થયું નથી. પરંતુ પંચાયત હસ્તકના 120 રસ્તાઓમાં નુકસાન થયું છે. સાથે જ અસરગ્રસ્ત વિસ્તારોના કલેક્ટરોને એલર્ટ કરી દેવામાં આવ્યા છે.

કૌશીક પટેલે જણાવ્યું કે ભાવનગરના જેસરમાં 9 ઈંચ જેટલો વરસાદ થયો છે. નીચાણવાળા વિસ્તારમાં પાણી ભરાયા હતા. જે ઓસળવાના શરૂ થયા છે.