પાણી પાણી / છેલ્લા 24 કલાકમાં 179 તાલુકામાં મેઘો ગર્જ્યો, ડેડીયાપાડામાં 18 ઈંચ તો ઉમરપાડામાં 14 ઈંચથી જળબંબાકાર, જાણો ક્યાં કેટલો

• ગુજરાતમાં આગામી 5 દિવસ ભારે વરસાદની આગાહી
• 7 જિલ્લાને રેડ એલર્ટમાં મુકાયા
• 10674 લોકોનું સ્થળાંતર

રાજ્યમાં વરસાદને લઈને આજે હવામાન વિભાગે નવી આગાહી કરી છે. જે મુજબ આગાહીમાં 3 દિવસનો વધારો કરવામાં આવ્યો છે. આગામી 5 દિવસ વરસાદની સ્થિતિ સાર્વત્રિક રીતે યથાવત રહેશે.દક્ષિણ ગુજરાત, સૌરાષ્ટ્ર, ઉત્તર ગુજરાતમાં અતિ ભારે વરસાદની આગાહી કરવામાં આવી છે. 15 જુલાઈ બાદ વરસાદમાં આંશિક રાહત મળશે તેવા વરતારા પણ થયા છે.આગામી 5 દિવસ માછીમારોને દરિયો ન ખેડવા સૂચના આપી દેવામાં આવી છે. આપને એ પણ જણાવી દઈએ કે ગુજરાતમાં 11 જુલાઇ સુધી સિઝનનો સરેરાશ 41% વરસાદ નોંધાયો છે.

7 જિલ્લામાં રેડ એલર્ટ જાહેર
તો બીજી તરફ રાજ્ય સરકાર પણ ભારે વરસાદને લઈ એક્શન મોડમાં આવી ગઈ છે. સુરત, ડાંગ, છોટા ઉદેપુર, તાપી, વલસાડ, નર્મદા, ભરૂચ, માં તંત્ર દ્વારા રેડ અલર્ટ જાહેર કરવામા આવ્યું હોય તેવી માહિતી રાજ્ય સરકારના પ્રવક્તા અને મહેસૂલ મંત્રી રાજેન્દ્ર ત્રિવેદીએ આપી છે.

10674 લોકોનું રેસ્ક્યૂ કરાયું
વધુમાં રાજેન્દ્ર ત્રિવેદીએ કહ્યું હતું કે તંત્ર રાહત બચાવની કામગીરી ખુબ ઝડપથી કરી રહ્યું છે. અત્યાર સુધી 10674 લોકોનું સ્થળાંતર કરવામાં આવ્યુ છે બચાવાયેલા લોકો માંથી 6853 લોકો હેમખેમ પોતાને  ઘરે પરત ફર્યા છે. બપોર બાદ વરસાદમાં ઘટાડો થયો છે

રાજ્યમાં વરસાદથી 63 લોકોના મોત
રાજ્યમાં મેઘ મહેર ઘણી જગ્યાએ કહેર બનીને વરસી છે. અત્યાર સુધી રાજ્યમાં વરસાદથી 63 લોકોના મૃત્યુ થયા છે. છેલ્લા 24 કલાકમાં 7 લોકો વરસાદી તારાજીને લીધે મરણ પામ્યા છે. જો નુકસાનની વાત કરીએ તો રાજ્ય સરકારના આંકડા મુજબ વરસાદથી 18 મકાનોને સંપૂર્ણ નુકશાન પહોચ્યુ છે. 24 કલાકમાં 11 ઝૂપડા પણ બરબાદ થઈ ગયા છે. અત્યાર સુધી કુલ 272 પશુઓના વરસાદથી મૃત્યુ થયા છે. તેમજ વીજળી પડવાથી કુલ 33 લોકો, દીવાલ પડવાથી 8 લોકો, પાણીમાં ડૂબવાથી 16, ઝાડ પડવાથી 5 લોકોના મૃત્યુ તેમજ વીજપોલ પડી જતા એક નાગરિકે જીવ ગુમાવ્યો છે. છેલ્લા 24 કલાકમાં 508 લોકોનું રેસ્ક્યુ કરવામાં આવ્યુ છે. જેમાંથી  468 નાગરિકો ઘરે પરત ફર્યા છે.

રાજ્યમાં છેલ્લા 24 કલાકમાં 179 તાલુકામાં નોંધપાત્ર વરસાદ

• માંગરોળમાં 5 ઈંચ, ઉમરગામમાં 4 ઈંચ, વલસાડમાં 4 ઈંચ
• વ્યારામાં 4 ઈંચ, ડોલવણમાં 3.5 ઈંચ, પારડીમાં 3.5 ઈંચ
• સુરતના માંડવીમાં 3 ઈંચ, મહુવામાં 3 ઈંચ, માળીયા મિયાણામાં 3 ઈંચ
• નેત્રંગમાં 3 ઈંચ, ખેરગામમાં 2.5 ઈંચ, વાંસદામાં 2.5 ઈંચ 
• રાધનપુરમાં 2.5 ઈંચ, વાલોદમાં 2.5 ઈંચ, પલસાણામાં 2.5 ઈંચ
• લખપતમાં 2.5 ઈંચ, રાપરમાં 2.5 ઈંચ, સુરત શહેરમાં 2.5 ઈંચ
• ધનસુરામાં 2.5 ઈંચ, ઓલપાડમાં 2.15 ઈંચ, વીજાપુરમાં 2 ઈંચ 
• વાલીયામાં 2 ઈંચ, ગીર ગઢડામાં 2 ઈંચ, નસવાડીમાં 2 ઈંચ
• બહુચરાજીમાં 2 ઈંચ, ઝઘડીયામાં 2 ઈંચ, જોડીયામાં 2 ઈંચ
• ભરૂચમાં 2 ઈંચ, ગણદેવીમાં 2 ઈંચ, માંડલમાં 2 ઈંચ વરસાદ
• સુઈગામમાં 2 ઈંચ, માણસામાં 2 ઈંચ, પ્રાંતિજમાં 2 ઈંચ 
• કચ્છના માંડવીમાં 2 ઈંચ, ચિખલીમાં 1.75 ઈંચ વરસાદ 
• ઉનામાં 1.75 ઈંચ, ખાંભામાં 1.5 ઈંચ, કામરેજમાં 1.5 ઈંચ
• ગોંડલમાં 1.5 ઈંચ, બારડોલીમાં 1.5 ઈંચ, ટંકારામાં 1.5 ઈંચ
• ડભોઈમાં 1.5 ઈંચ, કોટડાસંગાણી 1.5 ઈંચ, સુત્રાપાડામાં 1.5 ઈંચ
• ભેસાણમાં 1.5 ઈંચ, તલોદમાં 1.5 ઈંચ, અંકલેશ્વરમા 1.5 ઈંચ
• સંખેડામાં 1.5 ઈંચ, વઢવાણમાં 1.25 ઈંચ, તલોદમાં 1.25 ઈંચ
• અંકલેશ્વરમાં  1.25 ઈંચ, સંખેડામાં 1.25 ઈંચ, વઢવાણમાં  1.25 ઈંચ
• ધાંગધ્રામાં 1.25 ઈંચ, તારાપુરમાં 1.25 ઈંચ, દસક્રોઈમાં 1.25 ઈંચ વરસાદ
• સાણંદ, રાજુલામાં  1.25 ઈંચ વરસાદ, ધ્રોલમાં 1.25 ઈંચ વરસાદ 
• હિંમતનગરમાં એક ઈંચ, વિસાવદરમાં એક ઈંચ વરસાદ નોંધાયો
• ચોટીલામાં એક ઈંચ, રાજકોટમાં એક ઈંચ, બગસરામાં એક ઈંચ 
• નવસારીમાં એક ઈંચ, કક્કરમુંડામાં એક ઈંચ, વાડીયામાં એક ઈંચ વરસાદ
• કોડીનારમાં એક ઈંચ, વાઘોડીયામા એક ઈંચ, પાલીતાણામાં એક ઈંચ