ગુજરાતમાં હવામાન વિભાગની આગાહી મુજબ સાર્વત્રિક વરસાદનું આગમનની સાથે અનેક જગ્યાએ ઘોડાપુર આવ્યું તો, જામનગરથી લઈ પાવાગઢ સુધી વરસાદ
જામજોધપુરના નરમાણામાં 3 કલાકમાં 8 ઇંચ વરસાદ
કોટડા બાવીસી ડેમના 4 દરવાજા ખોલવામાં આવ્યા
રાજકોટના પોપટપરાના નાળામાં એક વ્યક્તિ ફસાયો
રાજકોટના પોપટપરાના નાળામાં એક વ્યક્તિ ફસાયો હતો. ફાયર બ્રિગેડના જવાનો દ્વારા માનસિક અસ્થિર વ્યક્તિનું રેસ્કયૂ કરાયું હતું. તો આ તરફ જામજોધપુરના નરમાણામાં 3 કલાકમાં 8 ઇંચ વરસાદ નોંધાયો હતો. જેના કારણએ કોટડા બાવીસી ડેમના 4 દરવાજા ખોલવામાં આવ્યા હતા. નરમાણા નજીકના ગ્રામ્ય વિસ્તારોમાં 5 ઇંચ વરસાદ નોંધાયો હતો. તો વાલાસણ, સંગચિરોડા, બુટાવદર, શેઠવડાળામાં વરસાદ ખાબક્યો હતો. નરમાણા નજીકનો સોગઠી ડેમ નવાનીર આવતા ઓવરફલો થયો હતો.
આજે રાજ્યના 209 તાલુકામાં વરસ્યો વરસાદ
લોધિકામાં 7.5 ઈંચ
છોટા ઉદેપુરમાં 7.5 ઈંચ
કવાંટમાં 6.5 ઈંચ
કાલાવડમાં 6 ઈંચ
કપરાડમાં 5.5 ઈંચ
માણાવદરમાં સવા 5 ઈંચ
વંથલીમાં 4.5 ઈંચ
તીલકવાડામાં 4.5 ઈંચ
બોડેલીમાં સવા 4 ઈંચ
જૂનાગઢમાં સવા 4 ઈંચ
કુતિયાણામાં સવા 4 ઈંચ
ગઢડામાં 4 ઈંચ
ધોરાજીમાં પોણા 4 ઈંચ
લીમખેડામાં પોણા 4 ઈંચ
જેતપુર પાવીમાં 3.5 ઈંચ
કોટડાસાંગાણીમાં 3.5 ઈંચ
જાંબુઘોડામાં 3.5 ઈંચ
રાજકોટમાં સવા 3 ઈંચ
ગોધરામાં સવા 3 ઈંચ
દાહોદમાં સવા 3 ઈંચ
કરજણમાં 3 ઈંચ
બાયડમાં 3 ઈંચ
શેહરામાં 3 ઈંચ
વેરાવળમાં 3 ઈંચ
સંજેલીમાં 3 ઈંચ
વીસાવદરમાં 3 ઈંચ
બોટાદ જિલ્લામાં પણ સવારથી વરસાદનું આગમન થયું હતું. રોહિશાળા ગામમાં છેલ્લા 5 કલાકથી વધુ અનરાધાર વરસાદ વરસ્યો હતો. ભારે વરસાદના કારણે ઘરોમાં પાણી ઘૂસ્યા હતા. મફતિયાપરા વિસ્તારના ઘરોમાં પાણી ધૂસ્યા હતા.
રાજકોટ ગ્રામ્ય વિસ્તારમાં ધોધમાર વરસાદ વરસ્યો હતો. જ્યાં ધોરાજી તાલુકાના મોટી મારડમાં 9 ઇંચ ધોધમાર વરસાદ નોંધાયો છે. મોટી મારડ ગામના ચેકડેમ અને તળાવ ઓવરફ્લો થયા હતા. લોકો જીવનાં જોખમે વાહનો પસાર કરી રહ્યા છે. મોટી મારડનાં ખેતરોમા પણ પાણી ફરી વળ્યા હતા. ધોરાજીના વડોદરનું તળાવ ઓવરફ્લો થયું હતું.
પંચમહાલ જિલ્લામાં સાર્વત્રિક વરસાદ જોવા મળ્યો હતો. પંચમહાલ દિવસભર વરસાદ વરસ્યો હતો. હાલોલના બસ સ્ટેન્ડ વિસ્તાર, હવેલી વિસ્તારમાં પાણી ભરાયા હતા. ગોધરામાં કલેક્ટર કચેરી કમ્પાઉન્ડ સહિત અનેક સોસાયટીઓમાં પાણી ભરાયા હતા. પાવાગઢ અને આસપાસના વિસ્તારમાં ધોધમાર વરસાદ ખાબક્યો હતો.
રાજ્યભરમાં આગાહી મુજબ વરસાદી માહોલ છવાયો છે. અને આવનારા 48 કલાકમાં પણ ભારે વરસાદ થઈ શકે છે. હવામાન નિષ્ણાત અંકિત પટેલના જણાવ્યા અનુસાર ઉત્તર ગુજરાત અને મધ્ય ગુજરાતમાં મેઘ મહેર જામશે. અમદાવાદ, વડોદરા પંચમહાલ ગોધરા દહોદમાં ભારે વરસાદની આગાહી કરવામાં આવી છે, તો જામનગર, જૂનાગઢ, ગીર, દ્વારકામાં પણ હળવા વરસાદ થશે તેવી આગાહી છે. બીજી તરફ દક્ષિણ ગુજરાતમાં આવતીકાલથી વરસાદનું જોર ઘટશે. બે દિવસ દક્ષિણ ગુજરાતમાં સામાન્યથી હળવો વરસાદ પડશે. ગત વર્ષની સરખામણીએ આ વર્ષે 37 ટકા વરસાદની ઘટ છે. જો કે લાંબા વિરામ બાદ હાલમાં આવેલા વરસાદે લોકોને ઘણી રાહત આપી છે..