વડોદરાઃ સવારથી મૂશળધાર વરસાદ વરસી રહ્યો છે. ભારે વરસાદથી કરજણ નગરપાલિકા નવા બજાર અને જૂના બજાર સહિતના વિસ્તારોમાં પાણી ભરાયા છે. તો શહેરના ક્રિશ્ર્નાપાર્ક સહિત ભાર્ગ વિદ્યાલય પણ પાણીમાં ગરકાવ થઈ ગયા છે. તો સતત વરસતા વરસદથી શહેરના અન્ય કેટલાક વિસ્તારોમાં પણ પાણી ભરાયા છે. જેથી લોકોને હાલાકીનો સામનો કરવો પડી રહ્યો છે.
તો સાથે શહેરના આસપાસના વિસ્તારોમાં પણ વરસાદ નોંધાયો છે. તો બીજી બાજુ હવામાન વિભાગ દ્વારા ભારે વરસાદની આગાહી આપવામાં આવી છે. તો રાજ્યમાં અગામી 24 કલાકમાં ભારેથી અતિભારે વરસાદની સંભાવના હવામાન વિભાગે જણાવી છે.
હવામાન વિભાગનું માનીએ તો અપર એર સાઈક્લોનિક સિસ્ટમ મજબૂત થઈ છે. જેથી રાજ્યમાં સારો એવો વરસાદ પડી શકે છે. મહત્વનું છે કે સારો વરસાદ થતા ખેડૂતોમાં હર્ષની લાગણી છવાઇ હતી. શહેરી વિસ્તારોમાં બાળકોએ વરસાદની મજા માણી હતી.