ગુજરાતમાં આગામી 5 દિવસ સૌરાષ્ટ્રમાં વરસાદની આગાહી, જો કે, રાજ્યમાં ચોમાસુ 20 જૂન બાદ મોડું બેસવાની પણ હવામાન વિભાગે જાહેરાત કરી છે
હવામાન ખાતાની આગાહી
સૌરાષ્ટ્રમાં 5 દિવસ વરસાદની આગાહી
ઉત્તર અને દક્ષિણ ગુજરાતમાં વરસાદી માહોલ
રાજ્યમાં વાતાવરણને લઇ હવામાન ખાતાની આગાહી કરી છે. જેમાં સૌરાષ્ટ્રમાં 5 દિવસ વરસાદ રહેશે. ઉત્તર અને દક્ષિણ ગુજરાતમાં 48 કલાક વરસાદી માહોલ રહેશે. કેરળમાં ચોમાસાના આગમન થઇ ચૂક્યું છે. ચોમાસાની સ્થિતિ સાનુકૂળ રહેશે તેવું અનુમાન હવામાન વિભાગે દર્શાવી રહ્યું છે.
તો ગઈકાલે ગુજરાતમાં જસદણ, અમદાવાદ, સુરેન્દ્રનગર અને બોટાદ સહિત સૌરાષ્ટ્રના અનેક પંથકમાં વરસાદ વરસ્યો હતો. અસહય ઉકળાટ બાદ વાતાવરણમાં પલટો આવ્યો હતો. લીંબડી શહેરી વિસ્તાર અને આસપાસના ગામોમાં વરસાદ જોવા મળ્યો હતો. પવન સાથે વરસાદી ઝાપટા પડ્યા હતા.
ચોમાસુ મોડું બેસવાની આગાહી છતાં વરસાદ શરૂ
હવામાન વિભાગની આગાહી મુજબ રાજ્યમાં ચોમાસુ મોડું બેસવાની વાત કરી છે. આ વર્ષે ચોમાસુ 20 જૂન પછી બેસવાની આગાહી કરાઈ છે. તો આ વર્ષે ચોમાસુ સામાન્ય રહેવાની પણ વાત કરી છે. કેરળમાં આજથી ચોમાસાની શરૂઆત થઈ ચૂકી છે. અને આ વર્ષે ઉત્તર ગુજરાત, મધ્ય ગુજરાતમાં હળવો વરસાદ થઈ શકે છે. તો સૌરાષ્ટ્ર અને દક્ષિણ ગુજરાતમાં પણ વરસાદની સંભાવના સામાન્ય દર્શાવી છે. જ્યારે અમદાવાદ, ગાંધીનગર, વડોદરામાં પણ સામાન્ય વરસાદ રહેશે.