રાજ્યમાં વરસાદે લાંબો વિરામ લીધો છે. ત્યારે હવે ફરી એક વખત હવામાન વિભાગે વરસાદની આગાહી કરી છે. બંગાળની ખાડીમાં વરસાદી સિસ્ટમ સક્રિય થતા હવામાન વિભાગે વરસાદની આગાહી કરી છે.
અમદાવાદમાં આગામી 3 દિવસમાં છૂટા છવાયા વરસાદની શક્યતા હવામાન વિભાગે વ્યક્ત કરી છે. દક્ષિણ ગુજરાત અને સૌરાષ્ટ્રમાં પણ સામાન્ય વરસાદ થાય તેવી શક્યતા છે.
જ્યારે 16 અને 17 ઓગસ્ટના રોજ દક્ષિણ ગુજરાત અને સૌરાષ્ટ્રમાં ભારે વરસાદની આગાહી છે. ભારે વરસાદની આગાહી બાદ માછીમારોને આગામી 48 કલાક સુધી દરિયો ન ખેડવાની સૂચના પણ આપવામાં આવી છે.
મહત્વનુ છે કે ચાલુ વર્ષે ગુજરાતમાં 56 ટકા વરસાદ નોંધાયો છે. રાજ્યના અનેક જિલ્લામાં ઓછા વરસાદના કારણે ખેડૂતો પરેશાન થયા છે.