આઈપીએલ / રૈના-ડિવિલિયર્સ IPLની ૧૦૦ કરોડની ક્લબમાં સામેલ, જાણો આઈપીએલમાં કોણે કેટલી કમાણી કરી

• આઈપીએલની 14મી સિઝનની તૈયારીઓ પૂરજોરથી શરુ
• ઘણી ટીમોએ તેનાં દિગ્ગજ ખેલાડીઓને બહારનો રસ્તો બતાવ્યો
• ધોની છે આઈપીએલમાં સૌથી વધારે કમાણી કરતો પ્લેયર

આઈપીએલમાં ઘણી ફ્રેન્ચાઈઝીએ તેનાં સિનિય ખેલાડીઓને રિટેન કર્યાં

આઇપીએલની ૧૪મી સિઝનની તૈયારીઓ પૂરજોશમાં ચાલી રહી છે. બધી ટીમોએ પોતાના ખેલાડીઓને રિટેન અને રિલીઝ કરી દીધા છે. હવે આઇપીએલની હરાજી ફેબ્રુઆરીમાં યોજાશે. તાજેતરમાં ઘણી ફ્રેંચાઈઝીઓએ પોતાના સિનિયર ખેલાડીઓને રિટેન કરીને તેમની સાથે કરાર જાળવી રાખવાનો નિર્ણય કર્યો છે, જ્યારે ઘણા ખેલાડીઓને ઝટકો પણ લાગ્યો છે. આ રિટેન થયેલા બે મોટા ખેલાડી ૧૦૦ કરોડની ક્લબનો હિસ્સો બની ગયા છે. ચેન્નઈ સુપર કિંગ્સનો સુરેશ રૈના અને આરસીબીના એ. બી. ડિવિલિયર્સે આ સિદ્ધિ હાંસલ કરી છે. આજે એવા ખેલાડી પર નજર કરીએ, જેઓ આઇપીએલની ૧૦૦ કરોડની ક્લબનો હિસ્સો છે અને તેઓએ આઇપીએલમાંથી કેટલી કમાણી કરી  છે.

ધોનીને આઈપીએલનો સૌથી વધારે કમાણી કરતો પ્લેયર

એમ. એસ. ધોનીઃ ચેન્નઈ સુપર કિંગ્સનો કેપ્ટન મહેન્દ્રસિંહ ધોની આઇપીએલમાંથી સૌથી વધુ કમાણી કરનારો ખેલાડી છે. ધોનીએ ગત વર્ષે આંતરરાષ્ટ્રીય ક્રિકેટને અલવિદા કહી દીધું છે. જોકે તેણે એ સ્પષ્ટ કરી દીધું હતું કે વર્ષ ૨૦૨૧માં તે આઇપીએલમાં રમશે. ધોની આઇપીએલમાં સૌથી વધુ ૧૩૭.૮ કરોડ રૂપિયાની કમાણી કરનારો પ્રથમ ખેલાડી છે. 

રોહિતના નામે છે સૌથી વધારે આઈપીએલની ટ્રોફીનો ખિતાબ
રોહિત શર્માઃ મુંબઈ ઇન્ડિયન્સનો કેપ્ટન રોહિત શર્મા આઇપીએલનો સૌથી સફળ કેપ્ટન છે. ૨૦૧૯નો આઇપીએલ ખિતાબ જીતતા જ તેમે રેકોર્ડ પાંચ વાર ટ્રોફી જીતી છે. ૧૦૦ કરોડની ક્લબની યાદીમાં રોહિત શર્મા ૧૩૧.૬ કરોડની કમાણી સાથે બીજા નંબર પર છે.

વિરાટ આઈપીએલથી કમાય છે 126 કરોડ
વિરાટ કોહલીઃ રોયલ ચેલેન્જર્સ બેંગલુરુનો કેપ્ટન વિરાટ કોહલી આ લિસ્ટમાં ત્રીજા નંબર પર આવે છે. આઇપીએલની આગામી સિઝન બાદ તે રોહિત અને ધોનીની સાથે ૧૩૦ કરોડની ક્લબમાં સામેલ થઈ જશે. અત્યાર સુધી વિરાટની આઇપીએલની કમાણી ૧૨૬.૬ કરોડ છે.

રૈનાની વાર્ષિક સેલરી 11 કરોડ છે 
સુરેશ રૈનાઃ ચેન્નઈ સુપર કિંગ્સના સુરેશ રૈનાએ આગામી સિઝનથી ૧૦૦ કરોડની ક્લબમાં સામેલ થનારો ચોથો ભારતીય ખેલાડી બની ગયો છે. તેની વાર્ષિક સેલેરી ૧૧ કરોડ છે અને અત્યાર સુધીમાં રૈનાએ કુલ ૯૯.૭ કરોડની કમાણી આઇપીએલમાંથી કરી લીધી છે, પરંતુ આ વર્ષે તે ૧૦૦ કરોડની ક્લબમાં સામેલ થઈ જશે.

ડિવિલિયર્સ 100 કરોડની ક્લમાં એકમાત્ર વિદેશી ખેલાડી
એ. બી. ડિવિલિયર્સઃ રોયલ ચેલેન્જર્સ બેંગલુરુનો વિસ્ફોટક બેટ્સમેન એ. બી. ડિવિલિયર્સ ૧૦૦ કરોડની ક્લબમાં સામેલ થનારે પ્રથમ વિદેશી ખેલાડી છે. તેની વાર્ષિક સેલેરી  ૧૧ કરોડ રૂપિયા છે અને હવે આગામી સિઝનથી તેની કુલ કમાણીનો આંકડો ૧૦૨.૫૧ કરોડનો થઈ જશે.