અમદાવાદઃ ગુજરાતના અનેક જિલ્લાઓમાં મેઘરાજાની એન્ટ્રી ધમાકેદાર થઈ ચુકી છે. ત્યારે મેઘરાજાની એન્ટ્રી થતાં ખેડૂતોએ વાવણીના શ્રીગણેશ પણ કર્યા હતા. ભારે પવન સાથે ભારે વરસાદની શરૂઆત થઈ ગઈ હતી. આ ઉપરાંત દક્ષિણ ગુજરાતમાં અનેક જગ્યાએ વરસાદ ખાબક્યો હતો.
બનાસકાંઠા જિલ્લાના અમીરગઢ તાલુકામાં ઠંડા પવન સાથે વરસાદ શરૂ થયો હતો. કેટલાક વિસ્તારોમાં વરસાદ પડતા ખેડૂતોમાં ખુશીની લહેર છવાઈ હતી.
જ્યારે સાબરકાંઠાના ખેડબ્રહ્માં અને પોશીના વિસ્તારમાં વરસાદ વરસ્યો હતો. વરસાદના આગમન સાથે અનેક વિસ્તારોમાં વીજળી ગુલ થઇ હતી. જો કે જિલ્લાના અન્ય વિસ્તારમાં વાદળછાયું વાતાવરણ છવાયું હતું.
બીજી તરફ યાત્રાધામ અંબાજીમાં વહેલી સવારે વરસાદની પધરામણી થઈ હતી. અંબાજી સહિત દાંતામાં ધીમી ધારે વરસાદ શરૂ થયો હતો. તો પંચમહાલના ડાંગ જિલ્લામાં પણ વરસાદ વરસ્યો હતો.
સાપુતારાના અનેક વિસ્તારોમાં વરસાદ પડયો હતો. જો કે વરસાદને પગલે સ્થાનિકોએ ગરમીથી રાહત મેળવી હતી.
આ તરફ તાપી જિલ્લાના વાતાવરણમાં અચાનક પલટો આવ્યો હતો. કાળા ડિબાંગ વચ્ચે વરસાદી ઝાપટા પડયા હતા.
ઉનાળાની અસહ્ય ગરમીના પ્રકોપમાં જાણે રાહત મળી હોય તેમ અરવલ્લી જીલ્લામાં વરસાદનું આગમન થયું હતું. મોડાસા સહિત વિસ્તારમાં વરસાદે એન્ટ્રી કરી હતી. ત્યારે ખેડૂતો સહિત લોકોમાં ખુશી છવાઈ ગઈ હતી. તેમજ વરસાદી વાતાવરણ પણ ખુબ અહલાદ્ક લાગતું હતું.
મહત્વનું છે કે ઉનાળાથી ત્રાહિમામ લોકો વરસાદની આતૂરતાથી રાહ જોઈ રહ્યા હતા. વરસાદે રાજ્યના અમુક વિસ્તારમાં પધામણી કરીને લોકોને ગરમીથી છૂટકારો આપ્યો હતો.