ગુજરાતના મોટા ભાગના જિલ્લાઓમાં આજે ધોધમાર વરસાદની શક્યતા છે. ત્યારે ભારે વરસાદની આગાહી વચ્ચે અમદાવાદ શહેરમાં વરસાદી માહોલ સર્જાયો છે. સવારથી શહેરના પૂર્વ અને પશ્ચિમ વિસ્તારમાં ધીમધારે વરસાદ પડતાં વાતાવરણમાં ઠંડક પ્રસરી ગઇ છે. જેને લઇને શહેરના લોકોને ગરમીમાંથી રાહત મળી છે.
અમદાવાદમાં પણ સર્જાયો વરસાદી માહોલ
સવારથી શહેરના અનેક વિસ્તારોમાં વરસાદ
પૂર્વ અને પશ્ચિમ વિસ્તારમાં વરસાદી માહોલ
અમદાવાદ શહેરમાં આજે સોમવારે વહેલી સવારથી વાતાવરણમાં પલટો જોવા મળ્યો છે. જેને લઇને વહેલી સવારથી શહેરના પૂર્વ અને પશ્ચિમ વિસ્તારમાં વરસાદી માહોલ જોવા મળ્યો છે. જેમાં પશ્ચિમના સેટેલાઇટ, બોડકદેવ, શિવરંજની, શ્યામલ, એસ. જી. હાઇવે, સોલા, મેમનગર, ઘાટલોડિયા, બોપલ, આંબલી, ચાંદખેડા, ચાંદલોડિયા, જીવરાજ પાર્ક, સાયન્સ સીટી, વસ્ત્રાપુરમાં ધીમીધારે વરસાદ વરસ્યો છે.
જ્યારે શહેરના પૂર્વમાં પણ વરસાદી માહોલ જોવા મળ્યો છે. જેમાં મણિનગર, ઇસનપુર, નારોલ, બાપુનગર, નરોડ, નિકોલ, દિલ્હી દરવાજા, એરપોર્ટ વિસ્તારમાં વરસાદ વરસ્યો છે.
અમદાવાદમાં ધીમીધારે વરસાદ શરૂ થયો છે.બોડકદેવ, વસ્ત્રાપુર અને થલતેજ વિસ્તારમાં વરસાદ વરસાદ પડ્યો છે. વરસાદના આગમનથી લોકોમાં ખુશીની લાગણી જોવા મળી રહી છે. જ્યારે હવામાન વિભાગે ભારે વરસાદની આગાહી કરી છે. આગામી બે દિવસ ભારે વરસાદની આગાહી કરવામાં આવી છે.