વડોદરામાં મોડીરાતથી ધીમીધારે વરસાદ યથાવત રહ્યો હતો. વહેલી સવારથી ઝરમર વરસાદની શરૂઆત થઈ હતી. જેના કારણે નીચાણવાળા વિસ્તારમાં પાણી ભરાઇ ગયા છે.
વડોદરામાં બીજા દિવસે પણ વરસાદ યથાવત છે. વરસાદે ફરી બીજી વખત દસ્તક આપી છે. ત્યારે જિલ્લામાં 24 કલાકમાં કુલ 4 ઇંચ વરસાદ પડયો હતો. વડોદરા જિલ્લાના ડભોઇ અને કરજણમાં પણ સારો વરસાદ નોંધાયો છે. ડભોઇમાં 35 મિ.મી. કરજણમાં 14 મિ.મી. વાઘોડિયામાં 7 મિ.મી. શિનોરમાં 5 મિ.મી. અને પાદરામાં 3 મિ.મી. જેટલો વરસાદ નોંધાયો હતો.
ઉલ્લેખનીય છે કે ભારે વરસાદને કારણે નોકરી-ધંધા જતાં લોકો મુશ્કેલીમાં મૂકાઇ ગયા હતા. તેમજ શાળાએ જતા બાળકો પણ અટવાઇ ગયા હતા.