રાજ્યમાં આગામી 5 દિવસ ભારે વરસાદની આગાહી આપવામાં આવી છે. હવામાન વિભાગ દ્વારા સૌરાષ્ટ્ર-કચ્છ સહિત દક્ષિણ ગુજરાતમાં ભારે વરસાદની આગાહી આપવામાં આવી છે. ત્યારે સુરેન્દ્રનગરના ચૂડામાં ગઇકાલે સાડા ત્રણ ઇંચ વરસાદ પડતાં બે ગામ વચ્ચેનું નાળું તુટતાં બલાળા ગામ સંપર્ક વિહોણું થઇ ગયું છે.
સુરેન્દ્રનગરના ચુડામાં સાડા ત્રણ ઈંચ વરસાદ
નાળા પર પાણી ફરી વળતા બલાળા ગામ સંપર્ક વિહોણું
રાજ્યમાં આગામી 5 દિવસ ભારે વરસાદની આગાહી
ચુડાનું બલાળા ગામ સંપર્ક વિહોણું થયું
પ્રાપ્ત મળતી વિગત અનુસાર રાજ્યમાં પડી રહેલા ભારે વરસાદના પગલે સૌરાષ્ટ્રના સુરેન્દ્રનગર જિલ્લામાં આવેલ ચુડા ગામમાં ગઇકાલે સાડા ત્રણ ઇંચ વરસાદ ખાબક્યો હતો. આમ ભારે વરસાદના પગલે બે ગામ વચ્ચે આવેલું નાળું તૂટી ગયું હતું. જેને લઇને નાળા પરથી પાણી ફરી વળતા ચુડાનું બલાળા ગામ સંપર્ક વિહોણું થઇ ગયું હતું. ભારે વરસાદના પગલે નાળુ તુટી જતાં સ્થાનિકો અને વાહનચાલકોને હાલાકીની સામનો કરવા પડી રહ્યો છે.
ગુજરાતમાં આજે અને આવતીકાલે ભારે વરસાદની આગાહી
ગુજરાતમાં આજે અને આવતીકાલે ભારે વરસાદ પડી શકે છે. આજથી બે દિવસ સુધી રાજ્યને મેઘરાજા ઘમરોળતો રહેશે. આજે અને આવતીકાલે ગુજરાતના મોટાભાગના વિસ્તારમાં ભારે વરસાદ પડી શકે છે. સૌરાષ્ટ્ર, દક્ષિણ અને મધ્ય ગુજરાતમાં ભારે વરસાદ પડી શકે છે.
આજથી બે દિવસ માટે રાજ્યમાં ભારે વરસાદ અંગે હવામાન વિભાગે આગાહી કરી છે. હવામાન વિભાગના જણાવ્યાં અનુસાર આજે સૌરાષ્ટ્ર અને દક્ષિણ ગુજરાતના જિલ્લાઓમાં ભારે વરસાદ પડી શકે છે. જ્યારે મધ્ય ગુજરાતમાં પણ વરસાદી માહોલ રહેશે. ભાવનગર, ગીર સોમનાથ, પોરબંદરમાં ભારે વરસાદની શક્યતા છે. તો વલસાડ, નવસારી, ડાંગમાં પણ વરસાદની આગાહી કરવામાં આવી છે. તો બીજી તરફ અમદાવાદ, ગાંધીનગરમાં પણ ભારે વરસાદની આગાહી કરવામાં આવી છે.