ગુજરાતમાં હજુ પણ વરસાદ ચાલુ રહેશે અને આગામી દિવસોમાં મધ્યમથી ભારે વરસાદની આગાહી કરવામાં આવી છે, જાણો તમારા વિસ્તારમાં ક્યારે કેટલો પડશે વરસાદ
ગુજરાતમાં કેટલાક વિસ્તારમાં ઘણા દિવસોથી તો સતત વરસાદ પડી રહ્યો છે. ત્યારે હવે વધૂ થોડા દિવસ સુધી અનેક વિસ્તારમાં હળવાથી મધ્યમ વરસાદની આગાહી હવામાન વિભાગ દ્વારા કરવામાં આવી છે.
25 સપ્ટેમ્બર બાદ દક્ષિણ ગુજરાતમાં પડી શકે છે ભારે વરસાદ
દક્ષિણ ગુજરાતમાં અને સૌરાષ્ટ્રમાં હમણાં છૂટાછવાયા વરસાદની શકયતા હોવાનું પણ હવામાન વિભાગ દ્વારા જણાવવામાં આવ્યું હતું. આઅ ઉપરાંત
મધ્ય ગુજરાતમાં હળવાથી ભારે વરસાદની શકયતા પણ જણાવવામાં આવી હતી. જો કે દક્ષિણ ગુજરાતમાં 25 સપ્ટેમ્બર બાદ સારો વરસાદ પડે તેવી આગાહી છે.
ગુજરાતમાં હજુ 17 ટકા જેટલી વરસાદની ઘટ
જો કે આટલો વરસાદ પડવા છતાં હજુ પણ એક અનુમાન મુજબ 17 ટકા જેટલા વરસાદની ઘટ હોવાનું જાણવા મળ્યું હતું.
નર્મદા જેવા ડેમ છલકાયાં
વરસાદના કારણે ઘણા બધા ડેમ છલકાઈ ગયા હતા. નર્મદા ડેમની સપાટીમાં વધારો થયો હતો. એક દિવસમાં ડેમની સપાટી 50 સેન્ટીમીટર વધી હતી. ડેમના કેચમેન્ટ વિસ્તારમાં વરસાદ પડવાના કારણે ઉપરવાસમાંથી 18 હજાર 11 કયુસેક જેટલાં પાણીની આવક થઈ હતી. હાલ ડેમની સપાટી 122.54 મીટરે પહોંચી ગઈ છે. અને હવે નર્મદા ડેમ 68 થી 70 ટકા જેટલો ભરાયો હોવાના અહેવાલ છે.