આમ તો જૂનના મહિનામાં જ્યાં આગ દઝાડતી ગરમી પડી રહી છે ત્યારે રાજધાની દિલ્લીમાં ગરમીએ પોતાના બધા રેકોર્ડ તોડી નાંખ્યાં છે. આ વચ્ચે દિલ્લીવાસીઓ માટે રાહતના સમાચાર આવ્યાં છે. દિલ્લીના ઘણા વિસ્તારોમાં તેજ પવન સાથે વરસાદ પડી રહ્યો છે, જેના કારણે તાપમાનમાં ઘટાડો જોવા મળ્યો છે.
જો કે દિલ્લી સહિત આસપાસના વિસ્તારોમાં આગામી કેટલાક કલાક આ જ રીતે વરસાદ વરસતો જોવા મળશે. દિલ્લી-એનસીઆર સહિત ઉત્તર ભારતમાં ભીષણ ગરમીનો પ્રકોપ યથાવત છે. દિલ્લીમાં ગરમીએ સોમવારે દસ વર્ષનો રેકોર્ડ તોડી નાંખ્યો હતો. સફદરજંગમાં સૌથી વધુ તાપમાન 45.6 ડિગ્રી નોંધાયું.
દિલ્લીના નેહરૂ પ્લેસ અને દક્ષિણ દિલ્લીના કેટલાક વિસ્તારમાં આજે તેજ વરસાદ જોવા મળ્યો છે. ગરમીથી પરેશાન લોકો માટે વરસાદ રાહતના સમાચાર લઇને આવ્યો છે. જો કે અન્ય વિસ્તારમાં લોકો વરસાદની રાહ જોઇ રહ્યાં છે.
એક તરફ જ્યાં દિલ્લી-એનસીઆર સહિત ઉત્તર ભારતમાં ભીષણ ગરમીના પ્રકોપ વચ્ચે દિલ્લીના કેટલાંક વિસ્તારોમાં વરસાદ પડવાથી લોકોને રાહત મળી છે. જ્યારે નોઇડા સહિત એનસીઆરમાં કેટલાક સ્થળો પર તેજ પવન સાથે ઝરમર વરસાદ પડયો છે. જેના કારણે લોકોને ગરમીમાં થોડી રાહત થઇ છે.