ભારે ઉકાળા અને અસહ્ય ગરમી બાદ અમદાવાદ સહિત રાજ્યના અનેક વિસ્તારોમાં મેઘરાજાની એન્ટ્રી થઈ છે.
અમદાવાદ અને વડોદરામાં વરસાદ
લાંબા સમય બાદ વરસાદના આગમનથી લોકોમાં ખુશી
ભારે ઉકળાટ બાદ પ્રસરી ઠંડક
મળતી જાણકારી પ્રમાણે, વડોદરા તથા અમદાવાદ સહિત રાજ્યના વિવિધ પંથકમાં મેઘરાજા મન મુકીને વરસ્યા હતા. તો અમદાવાદમાં ગાજવીજ સાથે વરસાદ પડ્યો હતો. શહેરના બોડકદેવ, થલતેજ, સિંધુભવન રોડ, પાલડી, વાસણા, નવરંગપુરા, નારણપુરા સહિત ગોતા, ચાંદખેડા, ચાંદલોડિયામાં વરસાદી માહોલ જોવા મળતા લોકોને ભારે બફારામાંથી મુક્તિ મળી હતી.
હવામાન વિભાગે કરી છે આગાહી
રાજ્યમાં વરસાદને લઇને હવામાન વિભાગે આગાહી કરી છે. આગામી 4 દિવસ સામાન્યથી મધ્યમ વરસાદની આગાહી કરવામાં આવી છે. દક્ષિણ ગુજરાતમાં કેટલાક જિલ્લામાં મધ્યમ વરસાદની શક્યતા છે.
સૌરાષ્ટ્રમાં પણ વરસાદની વકી
તો સૌરાષ્ટ્રમાં ભાવનગર, કચ્છ, ગીર સોમનાથમાં મધ્યમ વરસાદની સંભાવના છે. જોકે રાજ્યમાં હજુ પણ 49 ટકા વરસાદની ઘટ છે...અત્યાર સુધીમાં રાજ્યમાં 10.36 ઈંચ વરસાદ પડ્યો છે...જ્યારે અત્યાર સુધીમાં 20 ઈંચ વરસાદ પડવો જોઈએ.