વરસાદ / સૌરાષ્ટ્રના અનેક પંથકમાં મેઘ મલ્હારમ, ક્યાંક નદીઓમાં નવા નીર આવ્યા તો કેટલીક નદી બે કાંઠે વહી

• મન મુકી વરસ્યા મેઘરાજા
• નદીઓમાં આવ્યાં નવા નીર
• કેટલીક નદીઓ બેકાંઠી વહી

ત્યારે આપણે સૌથી પહેલા ભાવનગર જિલ્લાની વાત કરીએ તો મહુવામાં ભારે વરસાદને કારણે ભાદરોડી નદીમાં પૂર જેવી સ્થિતિ સર્જાઇ છે. 2 ઇંચ વરસાદ ખાબકતા પુર જેવી સ્થિતિ સર્જાઇ છે. ત્યારે ભાદરોડી નદીમાં એક બાઈકચાલક તણાયો હતો.. નદીના બ્રિજ પરથી બાઇકચાલક પસાર થઇ રહ્યો હતો ત્યારે અચાનક તણાવા લાગ્યો હતો. જો કે સ્થાનિકોએ ભારે જહેમત બાદ યુવકને બચાવ્યો હતો. 

ગીરગઢડામાં ધોધમાર વરસાદ

તો ગીરગઢડાના અનેક વિસ્તારોમાં ધોધમાર વરસાદ ખાબક્યો હતો. શાણાવાકીયા, ધોકડવા જશાધર સહીતના વિસ્તારોમાં મન મુકી મેઘરાજા વરસ્યા હતા. ઉના તાલુકાના જંગલ વિસ્તારોમાં પણ અનરાધાર વરસાદ પડ્યો છે..જેને લઇ સ્થાનિક નદીઓ ગાંડીતુર બની છે. તો સમઢીયાળાની માલણ નદીમાં ઘોડાપુરની સ્થિતિ સર્જાઈ છે. 

કચ્છમાં પણ ગાજવીજ સાથે વરસાદ

આ તરફ કચ્છમાં પણ ગાજવીજ સાથે વરસાદી માહોલ છે.વરસાદને પગલે નખત્રાણાના બીબર ગામની નદીમાં નવા નીરની આવક થઇ છે...નદી બે કાંઠે વહેતી થઇ છે. 

ખેડૂતોમાં ખુશીની લહેર 

દ્વારકાની વાત કરીએ તો જામખંભાળીયા સહિતના વિસ્તારોમાં ધોધમાર વરસાદ પડ્યો હતો..અસહ્ય ઉકળાટ બાદ મેઘરાજાની પધરામણી થતાં ખેડૂતોમાં ખુશીનો માહોલ છવાયો છે. જ્યારે જૂનાગઢના કેશોદમાં પણ વરસાદનું આગમન થયું છે. વીજળી અને ભારે પવન સાથે વરસાદ ખાબક્યો હતો. વાવણી લાયક વરસાદ થતાં ખેડૂતોમાં ખુશીની લહેર જોવા મળી હતી.