આફતની આગાહી / ચિંતાના વાદળ: ગુજરાતના 45થી વધુ તાલુકામાં કમોસમી વરસાદી ઝાપટા, જુઓ કયા કયા થયું માવઠું અને શું આગાહી

• રાજ્યમાં કમોસમી વરસાદ
• કમોસમી વરસાદના કારણે ખેડૂતોને નુકસાન
• રાજ્યમાં 45થી વધુ તાલુકામાં કમોસમી વરસાદ

ગુજરાતના વાતાવરણમાં દરિયામાં સર્જાયેલા લો પ્રેશરને કારણે અચાનક પલટો જોવા મળ્યો હતો.આજે રાજ્યના 45 તાલુકામાં છુટોછવાયો વરસાદ પડ્યો હતો.મહત્વપૂર્ણ છે કે હવામાન વિભાગ દ્વારા હજુ પણ 2 દિવસ ગુજરાતમાં કમોસમી વરસાદની આગાહી કરવામાં આવી છે.જેને લઈને ખેડૂતોમાં ચિંતાનો માહોલ જોવા મળી રહ્યો છે. લગ્ન સિઝન પણ હોવાથી લોકો પરેશાન થઈ રહ્યા છે.

રાજ્યના અનેક શહેરોમાં કમોસમી વરસાદ વરસ્યો છે. ક્યાંક ધોધમાર વરસાદ વરસ્યો છે તો ક્યાંક ધીમી ધારે વરસાદ વરસી રહ્યો છે.તો કમોસમી વરસાદી માહોલ સર્જાતા વાતાવરણમાં પણ ઠંડક થઈ છે.જો કે કમોસમી વરસાદના કારણે હાલ ઊભા પાકને નુકસાન થયું છે.તો આગોતરૂ શિયાળુ વાવેતરમાં પણ વરસાદથી નુકશાનની શક્યતા સેવાઈ રહી છે. 

રાજ્યમાં ક્યાં કમોસમી વરસાદ?

એલર્ટ રહેવા અપાઈ સૂચના. હજુ 2 દિવસની આગાહી
આ સિઝનમાં માવઠા પડવાથી ખેડૂતોના પાકને વધુ નુકસાન જવાની ભીતિ સેવાઇ રહી છે. હાલ ગુજરાતમાં ત્રણ ઋતુ ભેગી થઈ હોય તેવું વાતાવરણ બન્યું છે. ગરમી, ઠંડી, અને હવે વરસાદના વરતારાથી લોકો પણ ચિંતામાં મુકાયા છે.આકાશ માં વાદળો છવાયા છે..ત્યારે કમોસમી વરસાદની આગાહીને પગલે ડિઝાસ્ટર વિભાગદ્વારા એલર્ટ રહેવાની  સૂચના.આપવામાં આવી છે. માર્કેટ યાર્ડ ના વેપારીઓ તેમજ ખેડૂતો ને પોતાનો માલ સામાન સુરક્ષીત રાખવા સૂચના આપવામાં આવી છે.તેમજ અધિકારીઓને હેડ ક્વાર્ટર ન છોડવા પણ આદેશ કરવામાં આવ્યા છે. લગ્ન સરાની સિઝન પણ ચાલુ હોવાથી લોકોના જીવ તાળવે ચોટયા છે. 21 નવેમ્બર સુધી રાજ્યમાં માવઠાંની આગાહી અપાઈ છે. લો પ્રેશરની અસર રાજ્યમાં 2 દિવસ સુધી રહેશે. જેમા સૌરાષ્ટ્ર , દક્ષિણ ગુજરાતમાં સામાન્ય કમોસમી વરસાદ પડી શકે છે

ખેડૂતોના પાકને મોટા નુકસાનની ભીતિ
ઉલ્લેખનીય છે કે રાજ્યમાં આ વર્ષે ચોમાસું લંબાયું હતું સાથે જ અતિવૃષ્ટિ પણ થઈ હતી. જેના કારણે ખેડૂતોને ભારે નુકશાન થયું હતું ત્યારે હવામાન વિભાગની આગાહી બાદ ગુજરાતમાં કેટલીક જગ્યાએ કમોસમી વરસાદની જોવા મળ્યો છે, તો કેટલીક જગ્યાએ હળવા છાંતા પડતા ખડૂતો પાકને લઈને ચિંતામાં મુકાઈ ગયા છે. વાતાવરણમાં પલટો આવતા ખેડૂતોના પાકને મોટું નુકસાન થાય તેવા વરતારા છે.