ભારે વરસાદ / લખનૌમાં વરસાદે એક જ દિવસમાં તમામ રેકોર્ડ તોડ્યા:શાળા, કોલેજોમાં રજા જાહેર

• ભારે વરસાદને પગલે વીજ પુરવઠો બંધ કરાયો
• સ્કૂલ મેનેજમેન્ટ દ્વારા વોટ્સઅપ દ્વારા વાલીઓને રજાની જાણ કરાઈ
• વરસાદના કારણે ડાંગરના પાકને જીવનદાન મળ્યું

યુપીની રાજધાનીમાં પડેલ વરસાદે એક જ દિવસમાં તમામ રોકોર્ડ તોડી દીધા છે. લોકોનું કહેવું છે કે તાજેતરમાં આટલો બધો વરસાદ કદી પડ્યો નથી.  વરસાદના કારણે કોઈ અનિચ્છનીય ઘટના ન બને તે માટે વીજ પુરવઠો બંધ કરવામાં આવ્યો હતો અને કમિશ્નર પોતે સવારના 3 વાગ્યાથી સમગ્ર પરીસ્થિતીનો તાગ મેળવવા માટે રવાના થઈ ગયા છે.  વરસાદના કારણે ઠેર ઠેર પાણી ભરાઈ જતા કમિશ્નર ર્ડો. રોશન જેકબે શુક્રવારે જીલ્લાની તમામ સરકારી, બિન સરકારી અને ખાનગી શાળાઓ બંધ રાખવાનો આદેશ કર્યો છે. તેમજ વહીવટી તંત્રે લોકોને ઘરની અંદર રહેવાની સલાહ આપી છે.

યુધ્ધના ધોરણે પાણી કાઢવાનું શરુ કરાયું    

કાલ રાતથી શરુ થયેલ ભારે વરસાદના કારણે મોટાભાગની વિસ્તારોમાં પાણી ભરાઈ જવા પામ્યા છે. ત્યારે યુનિવર્સીટી તેમજ ઉચ્ચ શૈક્ષણીક સંસ્થાઓનાં કુલપતિને પણ જાણ કરીને સ્કૂલ તેમજ કોલેજોમાં રજા જાહેર કરવામાં આવી છે. કમિશ્નર દ્વારા રિવર બેંક કોલોની, શક્તિનગર, ત્રિવેણી નગર સહિતના ધણા વિસ્તારોમાં પાણી ભરાઈ જતા પમ્પિંગ કરીને પાણી બહાર કાઢવાનું કામ યુધ્ધના ધોરણે શરુ કરવામાં આવ્યું છે.

9 Dead after wall collapsed due to heavy rainfall in Lucknow

Read @ANI Story | https://t.co/eWKcqKA7I8#Lucknow #HeavyRainfall #WallCollapse pic.twitter.com/NxrC7KFAdZ

— ANI Digital (@ani_digital) September 16, 2022

તમામ સરકારી ઓફીસો તેમજ સ્કૂલોમાં રજા જાહેર કરાઈ

હવામાન વિભાગ દ્વારા ગત રોજથી ભારે વરસાદની આગાહી કરવામાં આવી હતી. ત્યારે ડીએમ સૂર્યપાલ ગંગવાર દ્વારા વહેલી સવારે જાહેર કરાયેલ આદેશમાં કહેવામાં આવ્યું છે કે મ્યુનિસિપલ કમિશ્નર દ્વારા વહેલી સવારે આદેશ જાહેર કર્યો હતો. જેમાં જણાવ્યું હતું કે 16 સપ્ટેમ્બરે ભારે વરસાદની આગાહીના પગલે સરકારી, બિનસરકારી અને ખાનગી શાળાઓમાં ધોરણ 12 સુધી તમામ શહેરી તેમજ ગ્રામીણ વિસ્તારની સ્કૂલમાં રજા જાહેર કરવામાં આવેલ છે. તેમજ સ્કૂલો દ્વારા પણ વાલીઓને વોટ્સઅપ દ્વારા જાણ પણ કરવામાં આવેલ છે.

ડાંગરના પાકને જીવનદાન મળ્યું

લખનઉમાં પડેલ વરસાદના આંકડેઓ પર નજર કરીએ તો રાત્રે 8 વાગ્યા સુધીમાં 30 મીમી વરસાદ નોંધાયો છે. સારા વરસાદના કારણે ડાંગરના પાકને પણ જીવનદાન મળ્યું છે. જેથી દુષ્કાળની અસર અમુક અંશે ઘટશે.