મેઘરાજા / આજે ગુજરાતમાં ક્યાં પડ્યો વરસાદ? આગાહી કેવી? એક ક્લિકમાં જાણો હવામાનનું એલર્ટ

ગુજરાતમાં સમય કરતાં વહેલી ચોમાસાની એન્ટ્રી થઈ ગઈ હતી અને તે બાદ નબળું પડી જતાં હાલ રાજ્યના મોટા ભાગના વિસ્તારોમાં ગરમી પડી રહી છે રાજ્યમાં ચોમાસુ બેસી ગયું છે જોકે અત્યાર સુધી ગુજરાતમાં ચોમાસુ નવસારી સુધી જ પહોંચ્યું છે. નવસારી બાદ ચોમાસુ નબળું પડ્યું છે. જેથી હજુ વરસાદની રાહ જોવી પડશે, જો કે, કેટલાક વિસ્તારોમાં હળવો વરસાદ વરસ્યો છે.

દિયોદર પંથકમાં વરસાદ

બનાસકાંઠાના દિયોદરમાં એકાએક વાતાવરણમાં પલટો આવ્યો છે. તેજ પવન સાથે ધીમીધારે વરસાદ વરસ્યો છે. દિયોદરના ગ્રામ્ય પંથકમાં પણ વરસાદ ખાબક્યો છે

સુરેન્દ્રનગરમાં પવન સાથે વરસાદ

સુરેન્દ્રનગર જિલ્લામાં ભારે પવન સાથે વરસાદ વરસ્યો છે. લીંબડી પંથકના સૌકા, બોડીયા સહિતના ગામોમાં પવન વરસાદ વરસ્યો છે.

લોધિકા પંથકમાં વરસાદ

રાજકોટના લોધિકા પંથકના અમર ઇટારા,વડ વાજડી,હરીપર પાળ સહિતના ગામોમાં વરસાદ ખાબક્યો છે. વરસાદી માહોલથી ખેડૂતોમાં ખુશી જોવા મળી છે.

રાજકોટમાં વરસાદ

રાજકોટમાં અચાનક વાતાવરણમાં પલટો આવ્યો હતો. શહેરના અનેક વિસ્તારોમાં ધીમીધારે વરસાદ વરસ્યો હતો. શહેરના બહુમાળી ભવન ચોક, યાજ્ઞિક રોડ, ફુલછાબ ચોક વિસ્તારમાં વરસાદ વરસ્યો છે.

'અરબ સાગરમાં હળવું દબાણ સર્જાશે'

ચોમાસાને લઈને હવામાન નિષ્ણાંત અંબાલાલ પટેલ દ્વારા આગાહી કરવામાં આવી છે. તેમણે કહ્યું કે દક્ષિણ-પશ્ચિમી પવન ધીમા થતાં ચોમાસું નબળું પડ્યું છે. અરબ સાગરની શાખા નબળી પડતાં ચોમાસા પર અસર થઈ છે. 17થી 20 જૂન વચ્ચે અરબ સાગરમાં હળવું દબાણ સર્જાશે.17થી 19 જૂન વચ્ચે ગુજરાતમાં હળવાથી ભારે વરસાદની સંભાવના છે.

વાંચવા જેવું: તલ અને સોયાબીનના પાકમાં થશે બમ્પર ઉત્પાદન, વાવણી પહેલા કરો આ ખેતી કાર્યો

અંબાલાલ પટેલેની આગાહી

સાથે જ અંબાલાલ પટેલે કહ્યું કે, 19થી 21 જૂન વચ્ચે મહારાષ્ટ્રમાં ભારે વરસાદની શક્યતા છે. 22થી 25 જૂન વચ્ચે આદ્રા નક્ષત્રમાં સારા વરસાદની સંભાવના છે. ગુજરાતના મોટા ભાગના વિસ્તારોમાં મધ્યમથી ભારે વરસાદની આગાહી કરવામાં આવી છે. 5થી 8 જુલાઈ વચ્ચે ગુજરાતમાં સારો વરસાદ પડવાની સંભાવના વ્યક્ત કરાઈ છે. 11થી 13 જુલાઈ વચ્ચે રાજ્યના કેટલાક ભાગોમાં વરસાદ પડી શકે છે.