વાતાવરણમાં ફેરફાર / ગુજરાતમાં મેઘરાજાની પેટર્ન બદલાઇઃ દક્ષિણમાં 100 ટકાથી ઓછો તો કચ્છમાં વરસાદની બેવડી સદી

• ગુજરાત રાજ્યમાં આ વર્ષે 100%થી વધુ વરસાદ
• કચ્છમાં સિઝનનો સરેરાશ 213.57% વરસાદ
• રાજ્યની સરેરાશમાં 4%નો વધારો

રાજ્યમાં છેલ્લા થોડા દિવસથી સાર્વત્રિક વરસાદથી નદી-નાળા સહિત ડેમોમાં પાણીની આવક જોવા મળી છે. રાજ્યના ઘણા ડેમ ઓવરફલો થઇ ગયેલા જોવા મળ્યાં. રાજ્યમાં આ વર્ષે અત્યાર સુધીમાં 100 ટકાથી વધુ વરસાદ નોંધાયો છે.

રાજ્યમાં વરસાદમાં સરેરાશ 4 ટકાનો વધારો જોવા મળ્યો છે. રાજ્યમાં છેલ્લા ત્રણ દિવસમાં વરસાદના કારણે અંદાજે 30 લોકોના મૃત્યું થયા છે. રાજ્યના સૌથી વધુ વરસાદ પડતો હોય તેવા દક્ષિણ ગુજરાતમાં હજુ 92 ટકા વરસાદ નોંધાયો છે. 

• કચ્છમાં સિઝનનો સરેરાશ 213.57% વરસાદ
• દક્ષિણ ગુજરાતમાં હજુ સુધીમાં 92% વરસાદ
• ઉત્તર ગુજરાતમાં સિઝનનો 92.22% વરસાદ
• સૌરાષ્ટ્રમાં સિઝનનો કુલ વરસાદ 141.35% નોંધાયો

જો કે હાલમાં પડી રહેલા વરસાદની વચ્ચે હવામાન વિભાગે રાજ્યની જનતા માટે રાહતના સમાચાર આપ્યાં છે. ગુજરાત પર સક્રિય થયેલી વરસાદી સિસ્ટમ ફંટાઇ જતાં રાજ્યમાં વરસાદની તીવ્રતા ઘટી ગઇ છે. જેને લઇને રાજ્યમાં હવે સામાન્ય વરસાદની વકી છે. જો કે 29 ઓગસ્ટ બાદ રાજ્યમાં ફરી વરસાદ આવે તેવી શક્યતા છે.