રાજ્યમાં વરસાદને લઈને હવામાન વિભાગે મહત્વની આગાહી કરી છે. હવામાન વિભાગે જણાવ્યુ છે કે 18 જુલાઈ બાદ ગુજરાતમાં છૂટોછવાયો વરસાદ પડી શકે છે. જ્યારે અન્ય રાજ્યો અંગે પણ હવામાન વિભાગે માહિતી આપી કે આગામી 3થી 4 દિવસમાં ગુજરાત ઉપરાંત રાજસ્થાન, મહારાષ્ટ્ર અને છત્તીસગઢમાં વરસાદ થઈ શકે છે.
મધ્ય ભારતના કેટલાક રાજ્યોની સાથે-સાથે દક્ષિણ ભારતના કેટલાક વિસ્તારમાં પણ વરસાદ થશે. જો કે હવામાન વિભાગે ચિંતાજનક એ માહિતી પણ આપી કે ગુજરાતમાં હાલ ભારે વરસાદની કોઈ સંભાવના નથી. જ્યારે આગામી ચાર દિવસમાં ઉત્તર ભારતમાં ભારે વરસાદ થશે.
ઉત્તરાખંડ, ઉત્તરપ્રદેશ, હિમાચલ પ્રદેશ, જમ્મુ-કાશ્મીર, પંજાબ અને હરિયાણા જેવા રાજ્યોમાં સતત ભારે વરસાદ થવાના અણસાર છે. આ ઉપરાંત પૂર્વોત્તરના રાજ્ય અરુણાચલ પ્રદેશ, આસામ, મેઘાલય અને સમુદ્રી કાંઠાના રાજ્ય ગોવા તેમજ કેરળમાં પણ ભારે વરસાદની આગાહી છે. જો કે એવુ માનવામાં આવી રહ્યું છે કે 22 જુલાઈ બાદ ગુજરાતમાં પણ સારો એવો વરસાદ થઈ શકે છે.
રાજ્યના ખેડૂતો માટે રાહતના સમાચાર મળી રહ્યાં છે. હવામાન વિભાગની આગાહી મુજબ રાજ્યમાં આગામી 18 જુલાઇ બાદ છૂટો છવાયો વરસાદ પડે તેવું અનુમાન કરવામાં આવ્યું છે. જો કે હવામાન વિભાગ અનુસાર આગામી 22 જુલાઇ બાદ રાજ્યમાં સારો એવા વરસાદની સંભાવના છે.
હવામાન વિભાગ અનુસાર ગુજરાત સહિત રાજસ્થાન, મહારાષ્ટ્ર અને છત્તીસગઢમાં પણ વરસાદ પડે તેવી શક્યતા છે. જો કે આગામી બે દિવસ સુધી ગુજરાતમાં હાલ ભારે વરસાદની કોઇ સંભાવના નહીં હોવાનું હવામાન વિભાગે જણાવ્યું છે.
જો કે ઉત્તર ભારતમાં ભારે વરસાદ થશે તેવી હવામાન વિભાગે આગાહી કરી છે. હવામાન વિભાગે દેશના પૂર્વોત્તર રાજ્ય અરૂણાચલ પ્રદેશ, આસામ, મેઘાલય અને સમુદ્રી કાંઠાના રાજ્ય ગોવા તેમજ કેરળમાં ભારે વરસાદની આગાહી કરી છે.