સુરેન્દ્રનગરના સવલાણા ગામના આ દ્રશ્યો સામે આવ્યા છે. એક મહિલાને પ્રસૂતાની પીડા ઉપડી હતી અને તંત્ર તરફથી કોઈ મદદ ન મળવાના કારણે લોકો મુશ્કેલીમાં મુકાયા હતા.
પ્રસૂતાની પીડા કોણ સમજશે
ગામના લોકોની હાલત કફોડી
કેડસમા પાણીમાં લઈ જવા મજબૂર
ઉલ્લેખનીય છે કે, મહિલાને પ્રસૂતાની પીડા ઉપડતા ગામના લોકો ખાટલામાં ઉપાડીને હોસ્પિટલ લઈ ગયા હતા. કેડસમા પાણીમાં ગામના લોકો મહિલાને મહામુસીબતે હોસ્પિટલમાં લઈ જતા નજરે પડી રહ્યા છે.
દર વર્ષે ચોમાસામાં પડે છે આવી હાલાકી
આપને જણાવી દઇએ કે, દર વર્ષે ચોમાસામાં આ પ્રકારના દ્રશ્યો સર્જાયા છે અને લોકોએ તંત્રને અનેકવાર રજૂઆત કરી છતા કોઈ પગલા ન લેતા હોવાથી લોકોમાં રોષ જોવા મળી રહ્યો છે. સરકાર દ્વારા 108ની સગવડ કરવામાં આવી છે તેમ છતા અમૂક જિલ્લાઓમાં હજુ સુધી હોસ્પિટલની સુવિધા મળી નથી.
રાજ્યમાં ભારે વરસાદની આગાહી
રાજ્યમાં ભારે વરસાદની આગાહી કરવામાં આવી છે. સૌરાષ્ટ્ર અને દક્ષિણ ગુજરાતમાં ભારે વરસાદની આગાહી કરવામાં આવી છે. અમદાવાદમાં પણ 24 કલાક દરમિયાન સારા વરસાદની પણ શક્યતા છે. બંગાળની ખાડીમાં વધુ એક લો પ્રેશર સક્રિય થયું છે.
જેના કારણે સુરેન્દ્રનગર, મોરબી, જામનગર, દ્વારકા, અને કચ્છમાં ભારે વરસાદની સંભાવના છે. તો અન્ય જિલ્લામાં પણ હળવાથી ભારે વરસાદની શક્યતા છે. ભારે વરસાદની આગાહીને લઇને 48 કલાક સુધી દરિયો ન ખેડવા માછીમારોને સૂચના આપવામાં આવી છે.