હવામાન વિભાગ દ્વારા આગામી 24 કલાક દરમિયાન ગાજવીજ સાથે સામાન્ય વરસાદની આગાહી કરવામાં આવી છે.
રાજ્યમાં ફરી વરસાદની આગાહી
આગામી 24 કલાક વરસાદી માહોલ
આવતીકાલથી વરસાદનું જોર ઘટશે
રાજ્યમાં હવામાન વિભાગ દ્વારા વધુ એક વખત વરસાદની આગાહી કરવામાં આવતા ખેડૂતો માથે ચિંતાના વાદળો ઘેરાયા છે. હવામાન વિભાગ દ્વારા આગામી 24 કલાક દરમિયાન ગાજવીજ સાથે સામાન્ય વરસાદની આગાહી કરવામાં આવી છે. જેમાં સૌરાષ્ટ્ર, કચ્છ અને મધ્ય ગુજરાતમાં વરસાદની વકી વર્તાઈ રહી છે. જેના 2 દિવસ બાદ ગરમીમાં વધારો થાય તેવું પણ જણાવાયું છે. વરસાદના કારણ અંગે હવામાન વિભાગ દ્વારા સાઉથ વેસ્ટ રાજસ્થાન તરફના સર્ક્યુલેશનના કારણે વરસાદી માહોલ છવાયો હોવાનું હવામાન વિભાગના ડિરેકટર મનોરમાં મોહતીએ જણાવ્યું હતું.
2 દિવસ બાદ તાપમાનનો પારો ઊંચકાશે
રાજ્યમાં આગામી 24 કલાક ગાજવીજ સાથે સામાન્ય વરસાદ પડી શકે છે. હાલ અનેક શહેરોમાં વરસાદી માહોલ જોવા મળી રહ્યો છે. માવઠાના મારને કારણે શિયાળુ પાકને મોટાપાયે નુકસાન થયું છે. જેની ખેડૂતોને હજુ કળ વળી નથી ત્યા ફરી એક વખત સૌરાષ્ટ્ર, કચ્છ અને મધ્ય ગુજરાતમાં માવઠું ત્રાટકે તેવી સિસ્ટમ સક્રિય થઈ છે. સાઉથ વેસ્ટ રાજસ્થાન તરફના સર્ક્યુલેશનના કારણે વરસાદી માહોલ જોવા મળી રહ્યો છે. આવતીકાલથી રાજ્યમાં વરસાદનું જોર ઘટી શકે છે અને 2 દિવસ બાદ તાપમાનનો પારો ઊંચકાઈ તેવું જણાઈ રહ્યું છે.
ક્યાં વરસી શકે વરસાદ?
સૌરાષ્ટ્ર, કચ્છ અને મધ્ય ગુજરાતમાં વરસાદની આગાહી કરાઈ
જૂનાગઢ, પોરબંદર, જામનગર, કચ્છમાં વરસાદની આગાહી
ભાવનગર, બોટાદ, આણંદમાં આગાહી કરવામાં આવી
સાબરકાંઠા, બનાસકાંઠા, અરવલ્લીમાં વરસાદની શક્યતા
અમદાવાદમાં પણ ગાજવીજ સાથે વરસાદની આગાહી
ગાંધીનગરમાં ગાજવીજ સાથે વરસાદની આગાહી કરાઈ