આજે રાજ્યના 43 તાલુકામાં વરસ્યો વરસાદ જેમાં સૌથી વધુ વરસાદ રાજકોટના ગોંડલમાં નોંધવામાં આવ્યો છે.
આજે રાજ્યના 43 તાલુકામાં વરસ્યો વરસાદ
3 દિવસ રાજ્યમાં ભારે વરસાદ પડશે
ગોંડલ શહેરમાં 5 ઇંચ જેટલો વરસાદ પડ્યો
ગુજરાતમાં હવામાનને લઈ મોટા સમાચાર સામે આવી રહ્યા છે આગામી 3 દિવસ રાજ્યમાં ભારે વરસાદની આગાહી કરાઈ રહી છે રાજ્યના કેટલાક વિસ્તારમાં ભારે થી અતિભારે વરસાદ પડી શકે છે. જ્યારે સૌરાષ્ટ્ર અને કચ્છમાં હળવો વરસાદ પડી શકે છે. હવામાન વિભાગની આગાહી અનુસાર દક્ષિણ ગુજરાત, વલસાડ, ડાંગમાં ભારેથી અતિભારે વરસાદ પડવાની સંભાવનાઓ વ્યક્ત કરવામાં આવી છે તો ઉત્તર ગુજરાતમાં પણ ભારે વરસાદની શક્યતાઓ સેવાઈ રહી છે.
3 દિવસ રાજ્યમાં ભારે વરસાદ પડશે
રાજ્યમાં સુરત, નવસારી, વલસાડમાં ભારે વરસાદની શક્યતા આ તરફ દમણ, દાદરાનગર હવેલી, બનાસકાંઠા, પાટણમાં વરસાદની આગાહી કરવામાં આવી રહી છે. હવામાન વિભાગે જણાવ્યું છે તે પ્રમાણે અરવલ્લી, આણંદ, દાહોદ, મહીસાગર, ભરૂચમાં ભારે વરસાદ પડી શકે છે.
આજે રાજ્યના 43 તાલુકામાં વરસ્યો વરસાદ
આજે રાજ્યના 43 તાલુકામાં વરસ્યો વરસાદ જેમાં સૌથી વધુ વરસાદ રાજકોટના ગોંડલમાં નોંધવામાં આવ્યો છે. જ્યાં 1.5 ઈંચ વરસાદ ખાબક્યો હતો. જોમાં રાજકોટ શહેરમાં 1 ઈંચ, ટંકારામાં 1 ઈંચ વરસાદ, જોડીયમાં અડધો ઈંચ, સુબિરમાં અડધો ઈંચ, ચીખલીમાં અડધો ઈંચ, ખંભાતમાં અડધો ઈંચ,
લોધીકામાં અડધો ઈંચ, ખેરગામમાં અડધો ઈંચ, જાફરાબાદમાં અડધો ઈંચ, ખેરગામમાં અડધો ઈંચ વરસાદ પડ્યો હતો.
રાજકોટમાં ધોધમાર વરસાદ પડતા લોકોને રાહત
રાજકોટ શહેરમાં ધોધમાર વરસાદ પડવાના કારણે લોકોને ભારે બફારા અને ઉકળાટમાંથી રાહત મળી હતી. પરંતુ વાહન ચાલકોને હાલાકીનો સામનો કરવો પડ્યો હતો. ધોધમાર વરસાદથી શહેરમાં પાણી ભરાયા હતા જેના કારણે લોકોને ભારે મુશ્કેલીઓનો સામનો કરવો પડ્યો હતો. રાજકોટના ગ્રામ્ય વિસ્તારોમાં પણ વરસાદ પડ્યો હતો. જ્યારે આગામી 3 દિવસ ભારે વરસાદની છે આગાહી કરવામાં આવી છે.
વડોદરામાં વરસાદ
શહેરના વિવિધ વિસ્તારોમાં વરસાદી ઝાપટા પડવાથી લોકોને ગરમીમાં રાહત મળી હતી. નિઝામપુરા, સમા, ફતેગંજ વિસ્તારમાં વરસાદી ઝાપટા જોવા મળ્યા હતા.
બોટાદમાં વરસાદ
બોટાદમાં પણ વહેલી સવારથી મેઘરાજાએ પધરામણી કરી હતી. પાળીયાદ રોડ, ગઢડા રોડ, તુરખા રોડ વિસ્તારમાં લાંબા વિરામ બાદ વરસાદ પડતાં ખેડૂતોમાં ખુશી જોવા મળી હતી. વરસાદ પડતાં ખેડૂતોના પાકને જીવનદાન મળવાની આશા છે.
ગોંડલ શહેરમાં ધોધમાર વરસાદ
ગોંડલ શહેરમાં ભારે વરસાદના કારણે રસ્તાઓ પર પાણી ભરાયા હતા. ગોંડલ શહેરમાં 5 ઇંચ જેટલો વરસાદ પડ્યો હતો. ભારે વરસાદના કારણે શહેરના બજારોમાં વરસાદી પાણી વહેતા થયા હતા. જેથી પાણી ભરાવવાના કારણે વાહન ચાલકોને હાલાકીનો સામનો કરવો પડ્યો હતો.
વરસાદની આગાહી વચ્ચે કચ્છમાં ભારે વરસાદ
પૂર્વ ક્ચ્છના અનેક વિસ્તારોમાં ધોધમાર વરસાદ પડ્યો હતો. ભચાઉ, વોંધ, સામખિયારી, કંડલામાં ગાજવીજ સાથે વરસાદ પડ્યો હતો. વરસાદને કારણે સ્થાનિક નદીઓમાં પાણી આપતા તે બે કાંઠે વહી રહી હતી. વરસાદ વરસતા માલધારી અને ખેડૂતોમાં ખુશીની લહેર જોવા મળી હતી.
રાજકોટમાં ધોધમાર વરસાદ
રાજકોટ જિલ્લાના ગ્રામ્ય વિસ્તારોમાં સાર્વત્રિક વરસાદ વરસ્યો હતો. ગોંડલના ગ્રામ્ય વિસ્તારોમાં 5 ઇંચ વરસાદ વરસ્યો હતો. જેના કારણે નીચાણવાળા વિસ્તારોમાં પાણી ભરાયા હતા. સવારથી જ વાદળછાયા વાતાવરણ બાદ ભારે વરસાદ વરસ્યો હતો. ગોંડલમાં ધોધમાર 3.5 ઈંચ વરસાદ ખાબક્યો હતો. ઉમવાળા બ્રિજમાં પાણી ભરાતા વાહન વ્યવહાર ઠપ્પ થયો હતો. જોતપુર અને આસપાસના ગામોમાં પણ ધોધમાર વરસાદ પડ્યો હતો.