મેઘમહેર / રાજ્યમાં છેલ્લા 24 કલાકમાં 109 તાલુકામાં વરસાદ, સૌથી વધારે ગોંડલમાં 4 ઇંચ વરસાદ

• રાજ્યમાં આગામી 48 કલાક ભારે વરસાદની આગાહી
• છેલ્લા 24 કલાકમાં રાજ્યના 109 તાલુકામાં વરસાદ 
• સૌથી વધુ ગોંડલમાં 4 ઈંચ વરસાદ ખાબક્યો

રાજ્યપરથી હાલમાં જ વાવાઝોડાંનો ખતરો ટળી ગયેલો જોવા મળ્યો હતો. જો કે રાજ્યમાં પ્રિમોન્સુન એક્ટિવિટીને લઇને છેલ્લા 24 કલાકમાં 109 તાલુકામાં વરસાદ નોંધાયો છે. જેમાં સૌથી વધારે સૌરાષ્ટ્રના ગોંડલમાં 4 ઇંચ વરસાદ ખાબક્યો છે.

ત્યારે એક તરફ ભારે ઉકળાટ બાદ વરસાદ આવતાં વાતાવરણમાં ઠંડક પ્રસરેલી જોવા મળી રહી છે. જ્યારે બીજી બાજુ વાવણી લાયક વરસારાજ્યમાં છેલ્લા 24 કલાકમાં 109 તાલુકામાં વરસાદ, સૌથી વધારે ગોંડલમાં 4 ઇંચ વરસાદદ થતાં ખેડૂતોમાં ખુશીની લહેર જોવા મળી રહી છે. 

રાજ્યમાં ગોંડલ બાદ વલ્લભીપુર, ભાવનગર અને સાવરકુંડલામાં 3.5 ઇંચ વરસાદ નોંધાયો છે. જ્યારે ખંભાળિયા અને ભેંસાણમાં 3 ઇંચ વરસાદ પડ્યો છે. 

તો માળિયા મિયાણા અને ઉમરાળામાં 2.5 ઇંચ, તાલાળા, ધોળકા, જામજોધપુર, તિલકવાડા, મોરબી, ધોલેરા, નડિયાદ, લાલપુર, અંજાર, કાલાવાડમાં 2 ઇંચ વરસાદ પડ્યો છે. જ્યારે કુતિયાણા, કોટડાસાંગાણી, બગસરા, ઘોઘા, ભુજ, માણાવદર, પડધરીમાં 1.5 ઇંચ વરસાદ નોંધાયો છે.

ગુજરાતમાં 48 કલાકમાં ભારે વરસાદની આગાહી

હવામાન વિભાગ દ્વારા ગુજરાતમાં આગામી 48 કલાક ભારે વરસાદની આગાહી કરવામાં આવી છે. ઉત્તર ગુજરાત અને સૌરાષ્ટ્રમાં ભારેથી અતિભારે વરસાદની આગાહી કરવામાં આવી છે. જ્યારે આજે અમદાવાદ ગાંધીનગરમાં વરસાદ વરસે તેવી શક્યતા છે. આ સાથે રાજકોટ, ભાવનગર, મોરબી, કચ્છ, જામનગર સહિત ખેડા, સુરેન્દ્રનગરમાં પણ વરસાદ વરસી શકે છે.