રાજ્યમાં વરસાદને લઇને હવામાન વિભાગે આગાહી કરી છે. આગામી 5 દિવસ રાજ્યમાં સામાન્ય વરસાદની શક્યતા છે. રાજ્ય પર સાયક્લોનિક સર્ક્યુલેશન દૂર થઇ રહ્યું છે, ત્યારે રાજ્યના માટો ભાગના વિસ્તારોમાં હળવાથી ભારે વરસાદ પડી શકે છે.
ગુજરાતમાં હવામાન વિભાગની વરસાદની આગાહી
29, 30 જૂનના ભારે વરસાદની અગાહી
અમદાવાદ સહિતના વિસ્તારોમાં હળવા વરસાદની શક્યતા
ગુજરાતમાં હવામાન વિભાગે આગામી 29 અને 30 જૂનના ભારે વરસાદની અગાહી છે. જેમાં વલસાડ, નવસારી, ભાવનગર, દિવ, દાદરાનગર હવેલી, ખેડા, દાહોદ, પંચમહાલ, રાજકોટ, બોટાદ, દ્વારકા, પોરબંદર, જૂનાગઢ, અમરેલી, ભાવનગર, ગીર સોમનાથ અને કચ્છમાં ભારે વરસાદ પડી શકે છે. જ્યારે અમદાવાદ, મહીસાગર અને આણંદમાં સામાન્ય વરસાદની આગાહી કરવામાં આવી છે.
આજે બપોર બાદ ભાવનગર શહેરના કેટલાક વિસ્તારોમાં ધીમીધારે વરસાદ શરૂ થયો છે. જેમાં ઘોઘાસર્કલ, શિવજી સર્કલ, રૂપાણી સર્કલ સહિતના વિસ્તારમાં વરસાદ થયો છે. તો ભરૂચના હાંસોટમાં તાલુકામાં છૂટોછવાયો વરસાદ નોંધાયો છે. તો ગઇકાલે ગુજરાત અનેક શહેરોમાં મેઘમહેર થઈ હતી. દક્ષિણ ગુજરાતમાં સૌથી વધુ વરસાદ નોંધાયો છે.