ગુજરાતમાં આગામી પાંચ દિવસ ભારેથી અતિભારે વરસાદની આગાહી છે જેમાં અમદાવાદમાં બે દિવસ ભારે વરસાદની વકી કરવામાં આવી છે. ત્યારે આજે રાજ્યમાં વરસાદી માહોલ જોવા મળી રહ્યો છે.
રાજ્યમાં વરસાદને લઇ હવામાન વિભાગની આગાહી
અમદાવાદમાં 2 દિવસ મધ્યમ વરસાદની આગાહી
દક્ષિણ ગુજરાત, સૌરાષ્ટ્રમાં 5 દિવસ વરસાદની આગાહી
રાજ્યમાં વરસાદને લઇ હવામાન વિભાગે આગાહી કરી છે. રાજ્યમાં આગામી 5 દિવસ મધ્યમથી ભારે વરસાદની આગાહી કરવામાં આવી છે. અમદાવાદમાં 2 દિવસ મધ્યમ વરસાદની આગાહી કરવામાં આવી છે. દક્ષિણ ગુજરાત, સૌરાષ્ટ્રમાં 5 દિવસ વરસાદની આગાહી કરાઇ છે. મહેસાણા, સાબરકાંઠામાં ભારે વરસાદની શક્યતા છે .તો બનાસકાંઠા, અરવલ્લીમાં 3 દિવસ ભારે વરસાદ થઇ શકે છે .હાલ અરબી સમુદ્રમાં લો-પ્રેશર સિસ્ટમ સક્રિય થઇ છે.
ભાવનગરમાં વરસાદી હવામાન
અષાઢની શરૂઆત થતાં જ રાજ્યમાં મેઘમહેર જોવા મળી રહી છે. ભાવનગરમાં પણ વાદળછાયા વાતાવરણ વચ્ચે વરસાદ પડી રહયો છે. ભાવનગરના કાળવીબીડ, કાળાનાળા, ઘોઘાગેટમાં પણ વરસાદ શરૂ થતાં ગરમી અને બફારાથી રાહત મળી હતી.
વલસાડમાં સાર્વત્રિક વરસાદ
રાજ્યમાં ચોમાસાએ દસ્તક દઇ દીધી છે. વલસાડના સમગ્ર જિલ્લામાં સાર્વત્રિક વરસાદ જોવા મળે છે. વાપીમાં મેઘરાજાએ ધુવાંઘાર એન્ટ્રી કરતા ધોધમાર વરસ્યો હતો. તો વાપી વલસાડ સિવાય પણ ગ્રામ્ય પંથકમાં વાદળછાયા વાતાવરણ વચ્ચે છુટછવાયો વરસાદ પડી રહ્યો છે.
બનાસકાંઠા જિલ્લામાં વાતાવરણમાં પલટો
ધાનેરા પંથકમાં ભારે વરસાદ વરસી રહ્યો છે. ધાનેરાના અનેક ગામોમાં ભારે વરસાદ જોવા મળી રહ્યો છે. બનાસકાંઠામાં હજુ ભારે વરસાદની હવામાન વિભાગની આગાહી છે.