રાજ્યમાં ફરી એકવાર માવઠાનું સંકટ તોળાઈ રહ્યું છે. હવામાન વિભાગના મતે 30 નવેમ્બરથી 2 ડિસેમ્બર સુધી વરસાદી ઝાપટા પડી શકે છે.
રાજ્યમાં ફરી માવટાનું સંકટ
30 નવેમ્બરથી પડી શકે ઝાપટા
લો પ્રેશર સર્જાતા આવશે વરસાદ
વેસ્ટર્ન ડિસ્ટર્બન્સના કારણે ગુજરાતમાં વરસાદ પડી શકે છે. 40થી 60 કિલોમીટરની ગતિએ પવન પણ ફુંકાઈ શકે છે.. હવામાન વિભાગના મતે દક્ષિણ, ઉત્તર ગુજરાત અને સૌરાષ્ટ્રમાં વરસાદ પડી શકે છે..1 ડિસેમ્બરે ભારેથી અતિભારે વરસાદ વરસી શકે છે.
અરબ સમુદ્રમાં 1 ડિસેમ્બરે લો પ્રેશર સર્જાશે
અરબ સમુદ્રમાં 1 ડિસેમ્બરે લો પ્રેશર સર્જાશે. આ દરમિયાન ગાજવીજ સાથે વરસાદ પણ થઈ શકે છે. 2 ડિસેમ્બરે ભારે વરસાદ પણ પડી શકે છે.સાથે જ માછીમારોને દરિયો ન ખેડવા માટે પણ સૂચના આપવામાં આવી છે.
અંબાલાલ પટેલે પણ કરી છે આગાહી
રાજ્યમાં ફરી કમોસમી વરસાદની આગાહીની શક્યાત જોવા મળી રહી છે. ત્યારે આ અંગે શાસ્ત્રીય હવામાન નિષ્ણાંત અંબાલાલ પટેલે આગાહી કરતા જણાવ્યું છે કે બંગાળની ખાડીમાં હવાનુ દબાણ સર્જાશે. આથી 30 નવેમ્બરે દક્ષિણ ગુજરાત, દક્ષિણ સૌરાષ્ટ્રમાં કમોસમી વરસાદની શક્યતા છે. આ ઉપરાંત 1 અને 2 ડિસેમ્બરે રાજ્યના ઘણા ભાગોમાં વરસાદની શક્યતા છે. પંચમહાલ, મહેસાણા, બનાસાકાંઠામાં વરસાદની શક્યતા છે. તેમજ સમી, હારીજ, કડી, બેચરાજીમાં વરસાદની શક્યતા છે. આ ઉપરાંત સૌરાષ્ટ્રના કેટલાંક વિસ્તારો અને સુરેન્દ્રનગરના કેટલાક વિસ્તારોમાં કમોસમી વરસાદ થઇ શકે છે. કચ્છના ભાગોમાં પણ કમોસમી વરસાદની શક્યતા છે. આમ આ માવઠુ ભારે કમોસમી વરસાદ વરસાવી શકે છે.
જાન્યુઆરીમાં પડી શકે કડકડતી ઠંડી
ડિસેમ્બર મહિનામાં બંગાળની ખાડીમાં ચક્રાવાત ઉભા થશે. ડિસેમ્બરના બીજા સપ્તાહથી કડકડતી ઠંડી પડશે. 19 ડિસેમ્બરે ફરી હવામાન પલટાઇ શકે છે. આ ઉપરાંત 22 ડિસેમ્બરથી દેશના ઉત્તરીય પર્વતિય પ્રદેશોમાં ભારે વરસાદ થઇ શકે છે. આ રીતે ગુજરાતમાં ગાત્રો થીજવતી ઠંડી પડશે. તેમજ જાન્યુઆરીની શરૂઆતમાં કડકડતી ઠંડી પડી શકે છે.
ખેડૂતોની ચિંતા વધી
ડીસેમ્બરમાં કમોસમી માવઠાની આગાહીથી ખેડૂતોમાં છૂપો ભય પ્રસરી ગયો છે.ખેડૂતો પોતાના ખેતર ઉભા પાક અંગે ચિંતીત થયા છે. કેટલાય માર્કેટિંગ યાર્ડમાં ખેડૂતોનો માલ પણ ખુલ્લામાં પડ્યો હોવાની વાતે પણ ખેડૂતોમાં ચિંતા છે.ત્યારે APMCએ પણ તકેદારી દાખવતા, ખેડૂતોનો માલ -મગફળીને સલામત સ્થળે ખસેડવા તકેદારી લેવી જોઈએ.