ગુજરાતમાં અહીં કમોસમી વરસાદ ખેડૂતોનું ટેન્શન વધ્યું

રાજ્યમાં એક તરફ શિયાળાની ઋતુ ચાલી રહી છે. તો બીજી તરફ હવામાનમાં પણ અચાનક પલટો આવ્યો છે. દેવભૂમિ દ્વારકામાં આજે હવામાન અચાનક પલટાયું હતું. દ્વારકા જિલ્લામાં કમોસમી વરસાદ પડ્યો હતો. દ્વારકા જિલ્લાના મીઠાપુર સુરજકરાડી અને ઓખામાં કમોસમી વરસાદ પડ્યો હતો. 

જેમાં મીઠાપુરમાં ધીમીધારે વરસાદ વરસ્યો હતો. તો ઓખામાં વરસાદી પાણી રોડ પર ફરી વળ્યા હતા. કમોસમી વરસાદ પડતાં ખેડૂતોને પણ ઉભા પાકને નુકસાન જવાની ભીતિ સેવાઈ રહી છે.

મહત્વનું છે કે હાલમાં શિયાળાની ઠંડીનું પ્રમાણ વધુ છે ત્યારે કમોસમી માવઠાથી વાતાવરણની ઠંડકમાં વધારો નોંધાયો છે. બીજી બાજુ ખેડૂતોના પાકને નુકસાન થવાની ભીતી છે. અહીં કેટલાક વિસ્તારોમાં રોડ પર પાણી ફરી વળ્યા હતા.