મેઘરાજાની સટાસટી / જ્યાં જુઓ ત્યાં પાણી જ પાણી! બનાસકાંઠામાં મેઘ મલ્હાર, જગતનો તાત થયો ખુશખુશાલ

• બનાસકાંઠામાં મેઘ મલ્હાર
• બનાસકાંઠાના વરણ ગામે તારાજી
• ડીસાના ગ્રામીણ વિસ્તારોમાં ભારે વરસાદ 

અરવલ્લી અને સાબરકાંઠાની જેમ બનાસકાંઠા જિલ્લામાં પણ વરસાદી મહેર જામી છે. જેના કારણે નદી-નાળાઓ છલાકાઈ ગયાં છે.તો ગ્રામ્ય વિસ્તારોમાં પણ લીલીચાદર છવાઈ ગઈ છે. ત્યારે કેવા છે. તેવામાં બનાસકાંઠાના વરણમાં તારાજી સર્જાઇ હતી. ભારે વરસાદને લઈને આખુ ગામ બેટમાં ફેરવાયું હતું. નવાની નીરની અવાકને લઈને તળાવ ઓવરફ્લો થતાં ગામમાં પાણી ઘૂસ્યા હતા. જેને લીધે ગામની શાળામાં પાણી ઘૂસતા શાળાની દીવાલ પણ ધરાશાયી થઇ હતી. બીજી તરફ ડીસાના ગ્રામીણ વિસ્તારોમાં ભારે વરસાદ ખબક્યો હતો. 

ગ્રામ્ય વિસ્તારો બેટમાં ફેરવાયા 

ઉત્તર ગુજરાતમાં સામાન્ય રીતે ખુબ ઓછો વરસાદ પડે છે. પરંતુ આ વખતે શ્રાવણની મહેર ઉત્તર ગુજરાતમાં વરસી રહી છે. જેમાં બનાસકાંઠા જિલ્લામાં ગત મોડી રાત્રીથી વરસાદી મહેર જામી છે. અમુક ગ્રામ્ય વિસ્તારો વરસાદને લઈને બેટમાં ફેરવાયા હતા.જોકે આ મહેર ક્યાંક આફત પણ બની છે. સતત વરસાદને કારણે પાલનપુરથી આબુ તરફ જતા હાઇવે પર પાણી ભરાયા હતા. હાઇવે પર પાણી ભરાઇ જવાને કારણે રાજસ્થાન અને અમદાવાદથી આવતા વાહન ચાલકોને મુશ્કેલીનો સામનો કરવો પડ્યો હતો. જ્યારેપાલનપુર નેશનલ હાઇવે ઓથોરિટીની કચેરી સામે જ એક ટ્રકને અકસ્માત નડ્યો હતો. જીરૂ ભરેલી એક ટ્રક પલટી જતાં માલિકને મોટું નુકસાન વેઠવાનો વારો આવ્યો છે..જોકે આ અકસ્માત હાઇવે પર પડી ગયેલા ખાડાઓને કારણે સર્જાયો હતો.

ડીસાના ગ્રામીણ વિસ્તારોમાં ભારે વરસાદ

આ તરફ ડીસા તાલુકામાં ખુબ સારો વરસાદ પડ્યો છે.. જોકે ભારે વરસાદના પગલે ડીસાનું ભીલડી ગામ બેટમાં ફેરવાઈ ગયું હતું.   ગામના રસ્તાઓ અને નીચાણ વાળા વિસ્તારોમાં કમર સુધીના પાણઈ ભરાઈ ગયા હતાં.. જેના કારણ લોકોને હાલાકી પડી હતી.. બીજી તરફ મુડેઠા ગામે ભારે વરસાદના પગલે કેનાલમાં 50 ફૂટનું ગાબડું પડ્યું હતું. જેથી કેનાલની બાજુમાં આવેલા ખેતર ધોવાઈ ગયું હતું.. અને ખેડૂતને ભારે નુકસાની વેઠવાનો વારો આવ્યો છે.. જ્યારે આસપાસના ખેતરો પણ બેટમાં ફેરવાયેલી હાલતમાં જોઈ શકાય છે...બીજી તરફ ડીસા શહેરમાં પણ ભારે વરસાદના પગલે નીચાણવાળા વિસ્તારોમાં ઘરોમાં પાણી ભરાઈ ગયાં હતા.. જેના કારણે લોકોની ઘરવખરી પલડી ગઈ હતી.. જ્યારે ડીસા-રાણપુર રોડ પર બે ફૂટ જેટલું પાણી ભરાયું હતું.. 

આબુ હાઈવે પર પાણી ભરાયા 

આ તરફ જિલ્લાના પાલનપુર પંથકમાં પણ ધોધમાર વરસાદ પડ્યો હતો.1 કલાકમાં 2 ઈંચ જેટલો વરસાદ પડતા આબુ હાઈવે પર પાણી ભરાયા હતા. જેના કારણે વાહન ચાલકોને ભારે હાલાકીનો સામનો કરવો પડ્યો હતો. જોકે એકંદરે સમગ્ર જિલ્લામાં સારો વરસાદ પડ્યો છે. જેના કારણે ખેડૂતોમાં હાલ તો ખુશીની લહેર જોવા મળી રહી છે.