ગુજરાતના 9 તાલુકામાં 200 ટકાથી પણ વધુ વરસાદ નોંધાયો છે. જો કે બનાસકાંઠા અને મહેસાણામાં માત્ર 92 ટકા જ વરસાદ નોંધાયો છે ત્યારે છેલ્લા બે દિવસથી પડી રહેલા વરસાદને પગલે આ જિલ્લાઓમાં પણ વરસાદ પોતાનો ટાર્ગેટ પૂરો કરવાનો હોય તેમ આંકડો 100 ટકાએ પહોંચાડીને જ જંપશે
સિઝનનો 130. 4 ટકાથી વધુ વરસાદ વરસી ચૂક્યો
કચ્છમાં સૌથી વધુ 153 ટકા વરસાદ નોંધાયો
9 તાલુકામાં 200 ટકાથી વધારે વરસાદ નોંધાયો
ગુજરાતમાં વરસી રહેલા વરસાદને કારણે સિઝનનો 130. 4 ટકાથી વધુ વરસાદ વરસી ચૂક્યો છે ત્યારે 9 તાલુકામાં 200 ટકાથી વધારે વરસાદ નોંધાયો છે. મહેસાણા અને બનાસકાંઠા બે જ જિલ્લામાં 92 ટકા જેટલો વરસાદ નોંધાયો છે ત્યારે વરસાદે જાણે ટાર્ગેટ પૂરો કરવો હોય તેમ છેલ્લા 2 દિવસથી હેલી માંડી છે. હવે તો લીલા દુકાળની ભીતિ સેવાઈ રહી છે. સૌરાષ્ટ્રમાં તો મગફળીના ઉભા પાક બગડી રહ્યા છે.
કચ્છ ઝોનમાં સૌથી વધુ વરસાદ
મધ્ય ગુજરાતમાં સિઝનનો 123 ટકા, દ. ગુજરાતમાં 142 ટકા, ઉ. ગુજરાતમાં 101 ટકા, સૌરાષ્ટ્રમાં 133 ટકા અને કચ્છમાં સૌથી વધુ 153 ટકા વરસાદ નોંધાયો છે.
ક્યાં કેટલો વરસાદ
છોટાઉદેપુરમાં સૌથી વધુ 261 ટકા ખાબક્યો છે.
31 જિલ્લામાં 100 ટકાથી વધુ વરસાદ નોંધાયો છે.
12 તાલુકામાં 100 ઇંચથી પણ વધુ વરસાદ ખાબક્યો છે.
બે જિલ્લા બનાસકાંઠા અને મહેસાણામાં 92 ટકા વરસાદ પડ્યો છે.