અમદાવાદમાં પહેલા જ વરસાદમાં તંત્રની પોલ ખુલી ગઈ છે. મેઘાણી નગર અને મલાવ તળાવ પાસે રોડ બેસી જવાની ઘટના સામે આવી છે એટલું જ નહીં પરંતુ ઠેર ઠેર પાણી રાઈ ગયા છે ગઈ કાલે પણ બોપલમાં ભુવામા મિનિ બસ ફસાઈ ગઈ હતી. કરોડો રૂપિયાના પ્રિમોન્સુન પ્લાન જેટલા સુંવાળા કાગળ પર દેખાય છે તેટલા અસલિયતમાં હોતા નથી.
પહેલા જ વરસાદમાં શહેરમાં રોડ બેસવા લાગ્યા
મેઘાણી નગર બાદ માલવ તળાવ પાસે રોડ બેસી ગયો
રોડ બેસી જતા એએમટીએસની બસ ફસાઈ, રોડ વચ્ચે જ બસ ખાડામાં ઉતરી ગઈ
અમદાવાદમાં મોડી રાત્રે ભારે વરસાદ પડ્યો છે. ભારે વરસાદના કારણે અનેક જગ્યા પર પાણી ભરાયા છે. એક કલાક વરસેલા વરસાદમાં AMCની પોલ ખુલી ગઇ છે. અમદુપુરા વિસ્તારમાં રોડ પર પાણી ભરાયા છે. પાણી ભરાતા વાહનચાલકો અને સ્થાનિકોની મુશ્કેલીઓ વધી ગઇ છે.
મલાવ તળાવમાં બસ ફસાઈ
મેઘાણી નગર બાદ માલવ તળાવ પાસે રોડ બેસી ગયો છે. રોડ બેસી જતા એએમટીએસની બસ ફસાઈ ગઈ છે. રોડ વચ્ચે જ બસ ખાડામાં ઉતરી ગઈ હતી. AMC દ્વારા બસ બહાર કાઢવાની કામગીરી હાથ ધરવામાં આવી છે.
મેઘાણીનગરમાં ટ્રક ફસાઈ
રાજ્યમાં અનેક જગ્યાએ વરસાદ પડ્યો છે. ત્યારે અમદાવાદમાં સામાન્ય વરસાદમાં AMCની પોલ ખુલી ગઇ છે. મોડી રાત્રીના સામાન્ય વરસાદમાં રોડ બેસી ગયો છે. મેઘાણીનગરમાં રોડ બેસી જતાં ટ્રક ખાડામાં ઉતરી ગઇ છે. તો રસ્તા બેસી જતા વાહનચાલકોને ભારે હાલાકી પડી રહી છે.
અમદાવાદમાં મોડી રાતે ધોધમાર વરસાદ
અમદાવાદ શહેરમાં મોડીરાત્રે વરસાદ વરસ્યો હતો. વીજળીના કડાકા ભડાકા સાથે ધોધરમાર વરસાદ વરસ્યો હતો. શહેરમાં અડધી રાતે તોફાની પવન સાથે અંધાધૂધ વરસાદે ઠંત પ્રસરાવી દીધી હતી., ખોખરા, હાટકેશ્વર, અમરાઈવાડી, મણિનગર, નારોલ, લાંભા, ઈસનપુર, ઘોડાસર, વટવા, ગોતા, ચાંદલોડિયા, ચાંદખેડા, સેટેલાઈટ, વસ્ત્રાપુર, રાણીપ, જોધપુર ગામ, શ્યામલ, આંબાવાડીમાં વરસાદ થયો હતો.