રાજ્યમાં વરસાદી મોહાલ જામ્યો છે. ત્યારે અમદાવાદમાં પણ મેઘો મહેરબાન થયો છે. વરસાદના કારણે અનેક વિસ્તાર પાણી પાણી થઇ ગયા છે. અમદાવાદના સેટેલાઇટ, વસ્ત્રાપુર, ઘાટલોડિયા, ચાંદલોડિયા, ગોતા, સરખેજ, બાવળામાં વરસાદ વરસ્યો છે.
અમદાવાદમાં મેઘરાજા મહેરબાન
અમદાવાદમાં એક દિવસમાં સવા બે ઈંચ વરસાદ
અમદાવાદના મોટાભાગના વિસ્તારોમાં વરસાદ
તેમજ શિલજ, સોલા, ભાગવત, SG રોડ, આંબાવાડી, મેમનગર, શાહીબાગ, નિકોલ, નરોડ, બાપુનગરમાં પણ વરસાદી માહોલ જોવા મળી રહ્યો છે...સાથે જ આ તરફ CTM, હાટકેશ્વર, અખબારનગર, પ્રહલાદનગર, બોપલ, આંબલી, ગોતા, ચાંદખેડા, મોટેરા, RTO વિસ્તારમાં વરસાદ વરસ્યો છે. જ્યારે શાહઆલમ, દાણીલીમડા, નવરંગપુર, કાંકરિયા, મણીનગરમાં વરસાદ વરસ્યો હતો.
હવામાન નિષ્ણાંત અંબાલાલ પટેલે કરી છે આગાહી
રાજ્યમાં વરસાદને લઇને હવામાન નિષ્ણાંત અંબાલાલ પટેલે આગાહી કરી છે. રાજ્યમાં હાલ વરસાદી માહોલ યથાવત રહેશે. દક્ષિણ ગુજરાત, સૌરાષ્ટ્રમાં 3 દિવસ મધ્યમ વરસાદની આગાહી કરી છે. જ્યારે મધ્ય ગુજરાત અને ઉત્તર ગુજરાતમાં વરસાદી ઝાપટા પડશે.
બંગાળની ખાડીમાં લો પ્રેશર સક્રિય થશે. તો મધ્ય ગુજરાતમાં 12થી 16 ઓગસ્ટે ભારે વરસાદ રહેશે. અમરેલી, રાજકોટ, ભાવનગર, મોરબીમાં વરસાદ થશે. ગીર સોમનાથ, જૂનાગઢ, વલસાડ અને નવસારીમાં પણ વરસાદ પડશે. જ્યારે અમદાવાદ, વડોદરા, ગાંધીનગરમાં વરસાદી ઝાપટાની શક્યતા છે.
9 ઓગસ્ટે વધુ એક લો પ્રેશર લાવશે વરસાદ
9 ઓગસ્ટે વધુ બંગાળની ખાડીમાં વધુ એક લો પ્રેશર સક્રિય થતાં ગુજરાતમાં સારો વરસાદ પડે શકે છે. માછીમારોને દરિયો ન ખેડવા સૂચના આપી દેવામાં આવી છે.