રાજ્યમાં પડી રહેલા સતત વરસાદના પગલે અમદાવાદમાં વહેલી સવારથી વરસાદી મહાલો સર્જાયો છે. જેને લઇને શહેરના પૂર્વ અને પશ્ચિમ વિસ્તારમાં વરસાદ વરસી રહ્યો છે. જેમાં વિસ્તારના સેટેલાઇટ, વસ્ત્રાપુર, આનંદનગર, સરખેજ, શ્યામલ, નહેરૂનગરમાં વરસાદ નોંધાયો છે.
અમદવાદ શહેરના વાતાવરણમાં પલટો જોવા મળ્યો છે. હાલમાં દિવસે અંધકાર છવાયેલો જોવા મળ્યો છે. શહેરમાં વહેલી સવારથી વરસાદ વરસી રહ્યો છે. જેમાં વિઝિબિલીટી ઘટતા વાહનચાલકોને હાલાકી પડી રહી છે.
અમદાવાદમાં ધોધમાર વરસાદના પગલે ઠેર-ઠેર પાણી ભરાયાં છે. જેમાં નિચાણવાળા વિસ્તારમાં પાણી ભરાયા છે. જેમાં નરોડા, સૈઝપુરબોઘા, સરસપુર, કાલુપમાં પાણી ભરાયા છે. જ્યારે બાપુનગર, હાટકેશ્વર, રખીયાલ, મેઘાણીનગર, ઠક્કરનગર, હિરાવાડી, કૃષ્ણનગર વિસ્તારમાં વરસાદના કારણે પાણી ભરાયા છે.
અમદાવાદ શહેરના પશ્ચિમ વિસ્તારની વાત કરીએ તો ભારે વરસાદથી ઠેર-ઠેર પાણી ભરાયાં છે. જેને લઇને સેટેલાઇટ, શિવરંજની, બોપલ, ઘુમા, સોલા વિસ્તારમાં પાણી ભરાયાં છે.
અમદાવાદમાં ધોધમાર વરસાદ પડી રહ્યો છે. ઠેર-ઠેર વરસાદી પાણી ભરાઇ ગયા છે. કાલુપુરમાં ભારે વરસાદથી પાણી ભરાઇ ગયા છે. જ્યારે કાલુપુરના અમદુપુરા પણ પાણીમાં ગરકાવ થઇ ગયું છે.
એક કલાક વરસેલા ધોધમાર વરસાદથી લોકોને હાલાકીનો સામો કરવો પડી રહ્યો છે. શહેરમાં ધોધમાર વરસાદ થતાં નીચાણવાળા વિસ્તારમાંપાણી ભરાયા છે. માધોપુરાના ઘરોમાં પાણી ઘુસતાં લોકોને હાલાકી ભોગવવાનો વારો આવ્યો છે.
શહેરના પશ્ચિમ વિસ્તારમાં આવેલા બોડકદેવમાં વરસાદ થતા લોકો નહાવા માટે રસ્તા પર જોવા મળ્યા હતા. જેમાં ખુલ્લી જીપમાં લોકોએ વરસાદની મજા માણી હતી.