અમદાવાદના અનેક વિસ્તારોમાં સતત બીજા દિવસે ભારે ગાજવીજ સાથે વરસાદ પડ્યો હતો.
અમદાવાદમાં સતત બીજા દિવસે વરસાદ
ભારે પવન સાથે ધોધમાર વરસાદ ચાલુ
શહેરના કેટલાક વિસ્તારોમાં વરસાદ
શહેરના મોટાભાગના વિસ્તારોમાં વીજળીના ચમકારા અને પવન ફુંકાવવાની સાથે બોપલ, ઘુમા, સાયન્સ સીટી, શીલજ, નવા રાણીપ સહિત અનેક વિસ્તારોમાં ગાજવીજ સાથે વરસાદ શરૂ થયો હતો.
હવામાન વિભાગે કરી છે આગાહી
રાજ્યમાં વાતાવરણને લઇ હવામાન ખાતાની આગાહી કરી છે. જેમાં સૌરાષ્ટ્રમાં 5 દિવસ વરસાદ રહેશે. ઉત્તર અને દક્ષિણ ગુજરાતમાં 48 કલાક વરસાદી માહોલ રહેશે. કેરળમાં ચોમાસાના આગમન થઇ ચૂક્યું છે. ચોમાસાની સ્થિતિ સાનુકૂળ રહેશે તેવું અનુમાન હવામાન વિભાગે દર્શાવી રહ્યું છે.
ચોમાસુ મોડું બેસવાની આગાહી છતાં વરસાદ શરૂ
હવામાન વિભાગની આગાહી મુજબ રાજ્યમાં ચોમાસુ મોડું બેસવાની વાત કરી છે. આ વર્ષે ચોમાસુ 20 જૂન પછી બેસવાની આગાહી કરાઈ છે. તો આ વર્ષે ચોમાસુ સામાન્ય રહેવાની પણ વાત કરી છે. કેરળમાં આજથી ચોમાસાની શરૂઆત થઈ ચૂકી છે. અને આ વર્ષે ઉત્તર ગુજરાત, મધ્ય ગુજરાતમાં હળવો વરસાદ થઈ શકે છે. તો સૌરાષ્ટ્ર અને દક્ષિણ ગુજરાતમાં પણ વરસાદની સંભાવના સામાન્ય દર્શાવી છે. જ્યારે અમદાવાદ, ગાંધીનગર, વડોદરામાં પણ સામાન્ય વરસાદ રહેશે.
20 જૂન સુધી રાજ્યમાં કેટલીક જગ્યાએ હળવો વરસાદ
હવામાન વિભાગે જણાવ્યું છે કે આગામી બે દિવસ સુધી ગુજરાત સહિત રાજ્યના કેટલાક જિલ્લાઓ અને શહેરોમાં હવામાનમાં ફેરફાર જોવા મળી શકે છે તેમજ વાતાવરમાં ફેરફાર સાથે પવન સાથે વરસાદ વરસી શકે છે તેવી હવામાન વિભાગે આગાહી કરી છે રાજ્યમાં દક્ષિણ ગુજરાત અને મધ્ય ગુજરાતમાં વાદળછાયું જોવા મળી શકે છે તેમજ હળવા પવન સાથે વરસાદ પડી શકે છે. પ્રિ-મોન્સુન એક્ટિવિટીને પગલે ભરૂચ, તાપી, આહવા, ડાંગ સહિતના જિલ્લાઓમાં વરસાદ પડે તેવી સંભાવનાઓ વ્યક્ત કરવામાં આવી છે તેમજ અમદાવાદ, ગાંધીનગર અને વડોદરા જેવા શહેરોમાં પણ વાતાવરણની અસરને પગલે વરસાદ પડે તેવી સંભાવનાઓ વ્યક્ત કરાઈ રહી છે.
13થી 15 જૂન સુધીમાં મહારાષ્ટ્રમા વરસાદનું આગમન
આ વખતે કેરળમાં બે દિવસ મોડું ચોમાસું બેઠું છે પરતું હવે જ્યારે કેરળમાં ચોમાસાની એન્ટ્રી થઈ ચુંકી છે ત્યારે પ્રિ-મોન્સુન એક્ટિવિટી શરૂ થતા હવે ચોમાસાની રાહ જોવાઈ રહી છે. મહારાષ્ટ્રમાં 13 થી 15 જૂન સુધી વરસાદનું આગમન થશે તેવું હવામાન વિભાગે જણાવ્યું છે. આ વખતે સૌરાષ્ટ્ર દક્ષિણ ગુજરાત સહિત રાજ્યમાં અન્ય શહેરમાં સૌથી વહેલા વરસાદ પડી શકે છે તેવી આગાહી પણ કરાઈ રહી છે તેમજ ઉત્તર ગુજરાત અને કચ્છમાં આ વખતે વરસાદ મોડે પડશે તેવું હવામાન વિભાગે જણાવ્યું છે. મહત્વનું છે કે રાજ્યમાં તૌકતે વાવાઝાડું ગુજરાત પણ ત્રાટક્યું હતું જેની અસર વરસાદ પર થશે તેવું વર્તાઈ રહ્યું હતું પરતું હવામાન વિભાગ જાણકારી આપતા જણાવ્યું છે કે તૌકતે વાવાઝાડાનાની ચોમાસા પર કોઈ જ અસર થશે નહીં તે માહિતી આપતા આગામી 20 જૂન સુધી રાજ્યમાં કેટલીક જગ્યાએ ચોમાસું બેસી જશે તેવું જણાવ્યું છે તેમજ આવતે ચોમાસું સારુ રહે તેવી આગાહી પણ કરાઈ રહી છે.