રાજ્યના મોટા ભાગના જિલ્લાઓમાં વરસાદની શરૂઆત થઈ છે. છોટાઉદેપુર જિલ્લામાં મોડી રાતથી ધીમીધારે વરસાદ વરસ્યો. ભારે પવન સાથે વરસાદના કારણે ગ્રામ્ય વિસ્તારોમાં વિજળી ગુલ થઈ ગઈ છે. જ્યારે બીજી તરફ આણંદ જિલ્લામાં વહેલી સવારથી વરસાદી માહોલ જામ્યો છે.
ધમાકેદાર એન્ટ્રી કરતાં ખેડૂતોમાં ખુશીનો માહોલ છવાઈ ગયો છે. મહીસાગરના કડાણા, લુણાવાડા, સંતરામપુરમાં વરસાદ વરસ્યો છે. વીરપુર તાલુકામાં એક ઈંચ વરસાદ નોંધાયો છે. અને ડભોઈના તાલુકામાં ધીમીધારે વરસાદ વરસ્યો છે. આ સીઝનના પહેલા સારા વરસાદથી ખેડૂતોમાં ખુશીનો માહોલ જોવા મળ્યો છે.
જામનગરમાં વાવણી લાયક વરસાદ:
આ ઉપરાંત જામનગરના ગ્રામ્ય વિસ્તારમાં વાવણી લાયક વરસાદ શરૂ થયો છે,જેના કારણે નદીઓમાં નવા નીર આવ્યા છે. જામનગરના ગ્રામ્ય વિસ્તારમાં વાવણી લાયક વરસાદ શરૂ થઈ ગયો છે. જેના કારણે નદીઓમાં નવા નીર આવ્યા છે. જ્યારે બીજી તરફ ખેડૂતોમાં ખુશીનો માહોલ છવાઈ ગયો છે.
સુરતમાં મોડી રાતે વરસાદ:
સુરત શહેરમાં રાત દરમિયાન વરસાદ પડ્યો છે. શહેરમાં મોડી રાતે સરેરાશ 6 મીમી વરસાદ પડ્યો છે. ભારે વરસાદ આવતા લિંબાયતમાં પાણી ભરાયાં હોવાના અહેવાલ પ્રાપ્ત થયા છે. તાપી જિલ્લામાં વરસાદી માહોલ સર્જાયો છે, વ્યારા સહિત જિલ્લામાં ધીમીધારે વરસાદ પડી રહ્યો છે. વરસાજ શરૂ થતા ધરતીપુત્રોમાં આનંદની લાગણી છવાઇ છે.
ખેડા જિલ્લામાં વરસાદની શરૂઆત થઇ છે. યાત્રાધામ ડાકોર અને સેવાલીયામાં વરસાદ પડી રહ્યો છે. ત્યારે વરસાદ પડતા કેટલાક નીચાણવાળા વિસ્તારોમાં પાણી ભરાયા છે. ગુજરાતમાં આખરે વરસાદે ધમાકેદાર એન્ટ્રી કરી છે. દક્ષિણ ગુજરાત અને મધ્ય ગુજરાતમાં ધોધમાર વરસાદ વરસી રહ્યો છે. તો આ તરફ અમદાવાદના પૂર્વ વિસ્તારમાં વરસાદ વરસી રહ્યો છે.
જ્યારે આ તરફ સુરતમાં ધોધમાર વરસાદ વરસ્યો છે. જેના કારણે સુરતમાં પાણી પાણી થઈ ગયું છે. જ્યારે વડોદરાના કેટલાક વિસ્તારમાં ધીમીધારે તો કેટલાક વિસ્તારોમાં પવન સાથે વરસાદ વરસી રહ્યો છે. તો વરસાદી માહોલના કારણે ખેડૂતોમાં પણ ખુશીનો માહોલ છવાઈ ગયો છે.
બનાસકાંઠામાં વરસાદની શરૂઆત થઇ છે. ડીસાના કેટલાક વિસ્તારોમાં વરસાદ વરસી રહ્યો છે. તો ખેડૂતોમાં આનંદની લાગણી છવાઇ છે. ડભોઈ શહેરમાં મોડી રાતથી વરસાદ પડી રહ્યો છે. સીઝનના પહેલા સારા વરસાદથી ખેડૂતો ખુશખુશાલ થઇ ગયા છે.