હવામાન વિભાગ / કોરોનાના કહેર વચ્ચે ગુજરાતમાં કમોસમી વરસાદની આગાહી, આ તારીખે માવઠાની શક્યતા

• કોરોનાના કહેર વચ્ચે કમોસમી વરસાદની આગાહી
• 24થી 26 માર્ચ વાતાવરણમાં આવશે પલટો
• અમદાવાદ,ગાંધીનગર,બનાસકાંઠા, વડોદરામાં થશે અસર

હવામાન વિભાગે વધુમાં કહ્યું હતું કે, કમોસમી વરસાદની અસર અમદાવાદ, ગાંધીનગર, બનાસકાંઠા, વડોદરામાં થશે. આ ઉપરાંત આણંદ,ખેડા,સુરત, નવસારીમાં કમોસમી વરસાદની આગાહી કરાઇ છે. તો વલસાડ, તાપી, ડાંગ, નર્મદા, પોરબંદર, જૂનાગઢમાં પણ કમોસમી વરસાદની આગાહી કરાઇ છે.

હવામાન વિભાગની આગાહી 

રાજ્યના હવામાન વિભાગે આગામી 25 માર્ચના થન્ડર સ્ટોર્મ એક્ટિવિટીના કારણે વરસાદની સંભાવના વ્યક્ત કરતા જગતના તાતની ચિંતામાં વધારો થયો છે. હવામાન વિભાગે જણાવ્યું હતું કે, 25 માર્ચે ઉત્તર ગુજરાત અને દક્ષિણ ગુજરાતમાં સૌરાષ્ટ્ર અને કચ્છમા આવશે વાતાવરણમાં પલટો આવનાની શક્યતા રહેલી છે. પણ ગુજરાતમાં તો 21મી માર્ચથી જ સૌરાષ્ટ્રમાં ચોમાસુ બેસી ગયુ છે. 

ખેડૂતોની હાલત કફોડી

જો માવઠું વધારે થશે તો રવિ પાકને પારવાર નુકસાન થઈ શકે છે. રવિ પાક ઉપરાંત કેરીમાં પણ નુકશાની થવાની ચિંતા ખેડૂતોને સતાવી રહી છે. લાંબુ ચોમાસું અને કમોસમી વરસાદના કારણે અગાઉથી જ ખેડૂતોની સ્થિતિ ખરાબ હતી આમ ફરીથી જો કમોસમી વરસાદ પડે તો ખેડૂતોને રોવાનો વારો આવે તેવી વકી છે.